The news is by your side.

Advertisement

گدھے کوجان سے مارنے والے چارملزمان کیخلاف مقدمہ درج

ہالا : گدھے کو جان سے مارنے پر چانڈیو برادری کے چار ملزمان کیخلاف مقدمہ درج کرلیا گیا، گدھے کے مالک نے متعلقہ تھانے میں اس کی فریاد نہ سننے پرعدالت عظمیٰ میں درخواست دائرکی تھی۔

تفصیلات کے مطابق ڈھائی ماہ قبل ہالا کے قریب گاؤں بادل بچو کے گاؤں میں چانڈیو برادری سے تعلق رکھنے والے مقامی لوگوں نے ان کے کھیتوں میں جانے والے گدھے کو پکڑ کراسے سخت تشدد کا نشانہ بنا کراسے جان سے مارڈالا تھا۔

گدھے کے مالک درمحمد بچو نے اس واقعے کی رپورٹ ہالا تھانے پر بھی درج کرائی تھی مگر ہالا پولیس نے اس بے زبان جانور کومارنے والوں کیخلاف کوئی بھی کارروائی نہیں کی۔

بعد ازاں گدھے کے مالک در محمد بچو نے انصاف کیلئے عدالت عظمیٰ کا دروازہ کھٹکھٹایا، گذشتہ روز سیشن کورٹ مٹیاری کی عدالت نے اپنا فیصلہ سناتے ہوئے گدھے کو جان سے مارنے والے چار ملزمان بدرالدین چانڈیو، بھلیڈنو چانڈیو، سومرچانڈیو اور رشید چانڈیو پر مقدمہ درج کرنے کا حکم جاری کردیا۔

 ہالا پولیس نے عدالت کے جاری آرڈر کے تحت گدھے کے مالک درمحمد بچوکی فریاد پر چانڈیو برادری کے مطلوب چارملزمان کیخلاف دفعہ 429پی پی سی /506/2کے تحت مقدمہ درج کرکے ملزمان کی گرفتاری کیلئے ان کے گھروں پر چھاپوں کا سلسلہ شروع کردیا ہے مگر تاحال ایک ملزم کی گرفتاری بھی عمل میں نہ آسکی ہے۔

Print Friendly, PDF & Email

Comments

comments

یہ بھی پڑھیں