The news is by your side.

Advertisement

شمالی کوریا کے رہنما کم جونگ ان کی صحت سے متعلق امریکی میڈیا کا بڑا دعویٰ

واشنگٹن : امریکی میڈیا نے دعویٰ کیا ہے کہ شمالی کوریا کے رہنما کم جونگ ان شدید علیل ہے ، کم جونگ ان کارواں ماہ دل کا آپریشن ہوا تھا۔

تفصیلات کے مطابق شمالی کوریا کے سربراہ کم جونگ کی صحت کے حوالے سے مختلف خبریں گردش کر رہی ہے، امریکی میڈیا نے دعویٰ کیا ہے کہ کم جونگ ان کارواں ماہ دل کا آپریشن ہوا تھا ، جس کے بعد وہ شدید علیل ہے۔

جنوبی کوریا کے حکومتی ذرائع کے مطابق کم جونگ ان کی طبیعت کے حوالے سے سامنے آنے والی خبروں میں صداقت نہیں ہے اور شدید بیمار نہیں ہیں۔

جنوبی کورین ویب سائٹ کا کہنا ہے کہ شمالی کوریا کے رہنما سرجری کے بعد ماونٹ میوہیانگ کے علاقے میں رہائش پذیر ہیں اور آپریشن کے بعد کم جونگ ان کی طبیعت بہترہورہی ہے۔

خیال رہے پندرہ اپریل کو کم جونگ ان  نے اپنے دادا اور شمالی کوریا کے بانی کم ال سنگ کی سالگرہ کی تقریبات  میں شرکت نہیں کی تھی۔

واضح رہے شمالی کوریا کے حکومتی میڈیا کی جانب سے کہا گیا تھا کہ کم جونگ ان نے ایک فوجی ایئربیس کا دورہ کیا اور جنگی مشقوں کا معائنہ کیا ہے، جس کے دو دن بعد شمالی کوریا نے شارٹ رینج اینٹی شپ کروز میزائلوں کو تجربہ کیا تھا۔

Comments

یہ بھی پڑھیں