بالی ووڈ اداکارہ کم شرما کا نوکرانی پر تشدد، مقدمہ درج Kim Sharma
The news is by your side.

Advertisement

بالی ووڈ اداکارہ کم شرما کا نوکرانی پر تشدد، مقدمہ درج

ممبئی: بالی ووڈ اداکارہ کم شرما پر ان کے گھر کی نوکرانی نے تشدد کرنے پر مقدمہ درج کروادیا ہے، اداکارہ نے الزامات کی تردید کردی۔

تفصیلات کے مطابق بالی ووڈ اداکارہ کافی عرصے سے خبروں میں نہیں ہیں اور کوئی فلم بھی سائن نہیں کری، تاہم اب انہیں خبروں میں آنے کا موقع مل گیا، کم شرما کے گھر کی نوکرانی ان کے خلاف تشدد اور تنخواہ نہ دینے کا مقدمہ درج کروادیا ہے۔

بھارتی میڈیا رپورٹ کے مطابق 27 سالہ ایستھر کیس نے اپنی سابق مالکن 36 سالہ کم شرما پر انڈین پینل کوڈ (آئی پی سی) کی دفعہ 323 اور 504 کے تحت تشدد اور بے عزت کرنے کا مقدمہ درج کروادیا ہے۔

ایستھر کیس نے اپنی درخواست میں موقف اختیار کیا ہے کہ ان سے کم شرما کے کپڑے دھوتے وقت غلطی ہوگئی تھی انہوں نے سیاہ اور سفید رنگ کے کپڑوں کو ایک ساتھ دھویا تو دونوں سفید رنگ کے کپڑوں پر بھی سیاہ رنگ کے دھبے پڑ گئے۔

نوکرانی کے مطابق اسے اپنی غلطی کا احساس ہوا تو اس نے مذکورہ کپڑوں کے بارے میں کم شرما کو بتایا تو انہوں نے تشدد اور گھر سے باہر نکال دیا۔

دوسری جانب اداکارہ نے اعتراف کیا ہے کہ نوکرانی نے ان کے 70 ہزار روپے مالیت کے کپڑے خراب کردئیے تھے تاہم انہوں نے اس سے کوئی پیسے روکے نہیں ہیں اور نہ تشدد کیا البتہ اسے گھر سے ضرور نکال دیا تھا۔

مزید براں ممبئی پولیس نے مقدمہ درج کرنے کی تصدیق کرتے ہوئے کہا ہے کہ نوکرانی کی شکایت پر مقدمہ درج کرلیا گیا ہے تاہم اس حوالے سے کوئی گرفتاری عمل میں نہیں آئی ہے۔

واضح رہے کہ کم شرما کو فلم محبتیں سے شہرت ملی تھی اس کے علاوہ انہوں نے تم سے اچھا کون، لیڈٰیز ٹیلر، کہتا ہے دل بار بار، فدا سمیت متعدد بالی ووڈ فلموں میں اداکاری کے جوہر دکھائے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں