The news is by your side.

Advertisement

سعودی عرب: باز میلے میں ’کووڈ‘ بھی شریک

ریاض: سعودی عرب کے دارالحکومت ریاض میں جاری باز میلے میں کووڈ نام کے باز نے سب کو حیران کردیا، دیگر بازوں کے نام بھی اس بار غیر معمولی رکھے گئے ہیں۔

سعودی ویب سائٹ کے مطابق سعودی دارالحکومت ریاض میں جاری تیسرا شاہ عبد العزیز باز میلہ اپنے اختتام کی جانب گامزن ہے، میلے میں بازوں کے مالکان کی جانب سے رکھے گئے منفرد نام شائقین کے لیے الگ تفریح کا باعث بنے ہوئے ہیں۔

سعودی عرب میں عام طور پر بازوں کے شوقین افراد پرندوں سے محبت کے اظہار کے لیے ان کے نام اپنے بچوں کے ناموں پر رکھا کرتے تھے مگر اس سال غیر معمولی طور پر منفرد نام بھی سامنے آرہے ہیں۔

میلے میں جو منفرد نام اب تک سامنے آئے ہیں ان میں زلزال (زلزلہ)، رعب، بارود، الجیش، (فوج)، عاصوف (آندھی)، عقوبہ (سزا)، خطر، حرب (جنگ)، ظلام (اندھیرا) شامل ہیں، جبکہ بعض شائقین نے اپنے بازوں کے نام سعودی عرب کے مختلف شہروں کے ناموں پر بھی رکھے ہیں۔

میلے میں شریک متعدد بازوں کے نام کووڈ بھی دیکھنے میں آئے جبکہ سفاح (سفاک)، جوکر، مزعج (تنگ کرنے والا)، طماع (لالچی) نام کے باز بھی اس فہرست میں موجود ہیں جو اس سال میلے میں شرکت کررہے ہیں۔

یاد رہے کہ شاہ عبد العزیز میلہ ان دنوں ریاض میں جاری ہے جس کا افتتاح 28 نومبر کو ہوا تھا اور یہ 12 دسمبر کو اختتام پذیر ہوگا، باز میلے میں سعودی عرب کے علاوہ خلیجی ریاستوں اور دیگر ممالک سے بھی بازوں کے شوقین بڑی تعداد میں شریک ہیں۔

میلے کی انتظامیہ کی جانب سے کرونا وائرس کے سبب خصوصی احتیاطی اقدامات کیے گئے ہیں تاکہ میلے میں شرکت کرنے والوں طبی طور پر محفوظ رہ سکیں۔

Comments

یہ بھی پڑھیں