(4 اگست 2026): پاکستان کے اسٹار بیٹر اور ٹیسٹ کپتان بابر اعظم کو ان کے مداح کنگ بابر کے نام سے پکارتے ہیں کنگ بابر کی انوکھی تصویر نے سب کو حیران کر دیا۔
بابر اعظم کا شمار پاکستان کے موجودہ دور کے اسٹار کرکٹرز میں ہوتا ہے، جن کے پرستار صرف عام شائقین نہیں بلکہ نامور کرکٹرز بھی ان کے گن گاتے ہیں۔
بابر اعظم کے پرستار انہیں محبت سے ’’کنگ بابر‘‘ کے نام سے پکارتے ہیں اور پورٹ آف اسپین ٹیسٹ کے پہلے روز کنگ بابر کی ایسی دلچسپ تصویر سوشل میڈیا پر وائرل ہوئی، جس کو دیکھ کر سب حیران رہ گئے اور پھر بے ساختہ مسکرا اٹھے۔
یہ تصویر ہے پاکستانی کپتان بابر اعظم اور ویسٹ انڈیز کے اوپننگ بیٹر برینڈن کنگ کی، جو ایک ساتھ کریز پر اس طرح سے کھڑے ہیں کہ عقب سے جب ان کی تصویر لی گئی تو ان کی جرسیوں پر درج ان کے نام ’’King Babar’’ سب کو متوجہ کر رہے ہیں۔
King Babar 😉 pic.twitter.com/nkdsIbYOUG
— Ans (@PakForeverIA) August 3, 2026
یہ دلچسپ تصویر سوشل میڈیا پر آتے ہی تیزی سے وائرل ہو گئی اور صارفین اس پر دلچسپ تبصرے کر رہے ہیں۔ جہاں بابر اعظم کے فینز اس دلچسپ سنگم پر پھولے نہیں سما رہے وہیں عام صارفین بھی اس تصویر کو ’’پرفیکٹ فریم‘‘ قرار دے رہے ہیں۔
