The news is by your side.

Advertisement

سعودی بادشاہ شاہ سلمان بن عبدالعزیز رمضان المبارک کا آخری عشرہ مسجد الحرام میں گزاریں گے

مکہ مکرمہ : سعودی عرب کے فرماں روا شاہ سلمان بن عبدالعزیز رمضان المبارک کا آخری عشرہ مسجد الحرام میں گزاریں گے۔

تفصیلات کے مطابق سعودی عرب کے فرماں روا شاہ سلمان بن عبدالعزیز جدہ سے مکہ مکرمہ پہنچ گئے، شہزادہ فیصل بن ترکی اور شہزادہ خالد الفیصل، نائب گورنر مکہ مکرمہ نے شاہ سلمان بن عبدالعزیز کا استقبال کیا اور خوش آمدید کہا۔

سعودی عرب کے فرماں روا شاہ سلمان بن عبدالعزیز رمضان المبارک کا آخری عشرہ مسجد الحرام میں بیت اللہ کے سائے میں عبادت وریاضت میں مصروف رہ کر گزاریں گے۔

دوسری جانب سعودی حکومت نے رمضان المبارک کے تیسرے عشرے کے آغاز پر مکہ المکرمہ کے داخلی اور خارجی راستوں پر سخت حفاظتی اقدامات کیے ہیں، مسجد الحرام اور اطراف کے علاقوں میں فضائی سکیورٹی اور نگرانی بڑھا دی گئی ہے۔

مسجد الحرام کے ارد گرد کے وسطی علاقے میں واقع تمام ہوٹل رمضان المبارک کے آخری عشرے کے لیے ابھی سے فل ہوگئے ہیں۔

واضح رہے کہ پہلی مرتبہ زائرین کو منظم کرنے کے لیے ڈرونز کا استعمال کیا کیا ہے اور مسجد الحرام میں لوگوں کی نقل وحرکت کی نگرانی کے لیے تقریباً 2500 کیمرے نصب ہیں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں