سعودی بادشاہ اور ولی عہد کی عمران‌ خان کو انتخابات میں کامیابی پر مبارکباد
The news is by your side.

Advertisement

سعودی بادشاہ اور ولی عہد کی عمران‌ خان کو انتخابات میں کامیابی پر مبارکباد

اسلام آباد : سعودی شاہ سلمان بن عبدالعزیز السعود اور ولی عہد محمد بن سلمان نے عمران خان کو انتخابات میں کامیابی پر مبارکباد دیتے ہوئے پاکستانی عوام اور ملک کی ترقی و خوشحالی کے لیے بھی دعا کی۔

تفصیلات کے مطابق تحریک انصاف کے سربراہ اس وقت عالمی منظرنامے پر مرکزنگاہ بنے ہوئے ہیں، سعودی شاہ سلمان بن عبدالعزیز السعود اور ولی عہد محمد بن سلمان نے عمران خان کے لیے نیک خواہشات کا اظہار کیا ہے۔

شاہ سلمان اور ولی عہد محمد بن سلمان نے اپنے پیغام میں عمران خان کے لیے دعا کی اور کہا کہ ہم سعودی عوام اور حکومت کی جانب سے عمران خان کو انتخابات میں کامیابی پر مبارکباد دیتے ہیں۔

خادم حرمین شریفین اور ولی عہد محمد بن سلمان نے پاکستانی عوام اور ملک کی ترقی و خوشحالی کے لیے بھی دعا کی۔

یاد رہے انتخابات میں کامیابی کے بعد اسلام آباد میں موجود سعودی سفارت خانے میں تعینات سفیر عمران خان کو مبارک باد دینے کے لیے بنی گالہ پہنچے اور نیک خواہشات کا اظہار کیا۔


مزید پڑھیں : سعودی سفیر کی بنی گالہ آمد، عمران خان کو وزیراعظم بننے پر مبارک باد


سعودی حکام اور حکومت کا خصوصی پیغام عمران خان کو پہنچایا جبکہ مستقبل میں پاکستان کے ساتھ تعلقات کو مزید بڑھانے اور آپسی تعاون جاری رکھنے کے عزم کا اظہار کیا تھا۔

ملاقات کے دوران سعودی سفیر کا کہنا تھا کہ ’عمران خان کا قوم سے پہلا خطاب نہایت مثبت اور جامع تھا، سعودی حکومت ان خیالات اور جذبات کو قدر کی نگاہ سے دیکھتی ہے۔

عمران خان نے سعودی سفیر کا خیر مقدم کرتے ہوئے کہا کہ ’سعودی عرب ، برادر اسلامی ممالک اور پاکستان کا بااعتماد دوست ہے، پی ٹی آئی حکومت تعلقات کو ایک نئی جہت سےہم کنارکرے گی، ہماری خارجہ پالیسی میں سعودی عرب کو خاص مقام حاصل ہے۔

واضح رہے کہ عالمی رہنماؤں کی جانب سے عمران خان کوانتخابات میں کامیابی پر مبارک باد کا سلسلہ جاری ہے۔

خیال رہے قومی اسمبلی میں پاکستان تحریک انصاف ایک سواٹھاون نشستوں کے ساتھ سب سے بڑی پارٹی بن کر ابھری ہے۔

Comments

comments

یہ بھی پڑھیں