پاکستان شوبز انڈسٹری کی معروف اداکارہ کرن تعبیر نے ڈراموں میں کام سے وقفہ لینے اور اپنے تمام سوشل میڈیا اکاؤنٹس کو پرائیویٹ کرنے کا فیصلہ کیا ہے۔
فوٹو اینڈ شیئرنگ ایپ انسٹاگرام پر ایک پوسٹ شیئر کی ہے جس میں کرن تعبیر نے اپنے مداحوں کو بتایا کہ وہ اپنے تمام سوشل میڈیا اکاؤنٹس کو پرائیویٹ کر رہی ہیں۔
انہوں نے لکھا کہ وہ گزشتہ چند سالوں سے بطور ہاؤس وائف اور خاص طور پر ایک ماں کے طور پر اپنی زندگی گزار رہی ہیں اور اب اپنی ذاتی زندگی کو مزید نجی رکھنا چاہتی ہیں۔
View this post on Instagram
کرن تعبیر نے ریٹائرمنٹ کی خبروں کی تردید کرتے ہوئے وضاحت کی کہ وہ شوبز سے مکمل ریٹائرمنٹ کا اعلان نہیں کر رہیں کیونکہ مستقبل کے بارے میں کچھ نہیں کہا جا سکتا، تاہم فی الحال ان کا ڈراموں میں واپسی کا کوئی ارادہ نہیں ہے۔
انہوں نے مزید کہا کہ وہ بطور ماں اپنی زندگی سے بے حد لطف اندوز ہو رہی ہیں اور چاہتی ہیں کہ ان کی زندگی پرائیویٹ اور پرسکون رہے۔
View this post on Instagram
اداکارہ نے اپنے تمام مداحوں سے ان کے فیصلے کا احترام کرنے اور دعاؤں میں یاد رکھنے کی درخواست کرتے ہوئے اب تک ملنے والے پیار اور تعاون پر سب کا شکریہ ادا کیا۔
خیال رہے کہ کچھ عرصہ قبل اداکارہ کے ایک پرانے ڈرامے کی ویڈیو وائرل ہوئی تھی جس میں اداکارہ نے شزا اور فضا نامی جڑواں بہنوں کا دوہرا کردار ادا کیا تھا۔
ڈرامے کا کلپ سوشل میڈیا پر بے حد وائرل ہوا تھا اور اس پر خاصے میمز بھی بنے تھے، جبکہ اس کے بعد اداکارہ کی مقبولیت اور سوشل میڈیا پر ان کے فالوورز میں بھی خاصا اضافہ ہوا تھا۔
