اسلام آباد : الیکشن کمیشن نےوزیراعظم کےکسان پیکج پراعتراض مستردکردیا، تفصیلات کے مطابق ترجمان الیکشن کمیشن کا کہنا ہے کسان پیکج کسانوں کی فلاح و بہبود کے لئے ہے۔
ریلیف پیکج بلدیاتی یاضمنی انتخابات پراثراندازنہیں ہوتا، ترجمان الیکشن کمیشن کا کہنا ہے کہ کسان پیکج پورےملک کے لئے ہے ۔ کسی ایک علاقے یا صوبےکے لئے نہیں۔
ترجمان الیکشن کمیشن کا کہنا تھا کہ پنجاب اور سندھ میں ممبران اسمبلی کے صوابدیدی فنڈز منجمدکردیے گئے ہیں، یہ فنڈ ز بلدیاتی انتخابات مکمل ہونے تک منجمد رہیں گے جس کا مقصد بلدیاتی الیکشن کا انعقاد شفاف بنانا ہے۔
ترجمان کا کہنا تھا کہ بلدیاتی الیکشن پر اثرانداز سکیم کے فنڈز جاری نہیں ہونگے۔
