مکہ: مسجد الحرام میں غلاف کعبہ کا نچلا حصہ 3 میٹر تک اوپر کر دیا گیا۔
تفصیلات کے مطابق کسوۃ الکعبہ یعنی کعبے کو ڈھانپنے والا کپڑا نچلی جگہ سے تین میٹر تک اوپر کر دیا گیا، حج سے پہلے احتیاطی تدابیر کے طور پر ہر سال غلاف کا حصہ اوپر کیا جاتا ہے۔
عالمی وبا کرونا کے باعث 2 سال بعد اس تقریب کا باقاعدہ اہتمام کیا گیا، تقریب کے دوران بھی تمام تر احتیاطی اور حفاظتی اقدامات کا خیال رکھا گیا۔
تقریب کے دوران غلاف کعبہ اوپر کر کے کعبے کے نچلے حصے کو سفید کپڑے سے ڈھانپ دیا گیا، کسوہ فیکٹری کے 50 سے زائد ماہرین نے یہ کام سر انجام دیا۔
سربراہ انتظامیہ ڈاکٹر عبدالرحمٰن السدیس و دیگر عہدے داروں نے بھی اس اہم کام میں حصہ لیا، عبد الرحمٰن السدیس نے حجر اسود اور خانہ کعبہ کے دروازے کے نچلے حصے پر عطر بھی لگایا۔
کسوہ کو زمین سے بلند کرنے کا مقصد غلاف کعبہ کی صفائی کو یقینی بنانا ہے۔
يتم الآن رفع كسوة الكعبة المشرفة استعداداً لموسم الحج 🕋🤍.
pic.twitter.com/XMxuAIV2xT— مكّة المُكرّمة 🕋✨ (@Makkah_wr) June 19, 2022
دوسری طرف خانہ کعبہ کے نئے غلاف کسوہ کی تیاری مکمل ہو گئی، 9 ذی الحج، عرفہ کے روز پرانا غلاف تبدیل کر کے نیا غلاف کعبہ پہنایا جائے گا، ریشم، سونے اور چاندی کے تاروں سے تیار کیے جانے والے غلاف پر قرانی آیات کندہ کی جاتی ہیں۔
تم الليلة رفع كسوة الكعبة المشرفة إستعدادًا لموسم حج 1443 هجرياً. ❤️ pic.twitter.com/W15b9ELLxa
— Mohannad 🇵🇸 (@Ahmedam205) June 19, 2022
