انٹرنیٹ پر آئے روز ایسی دلچسپ ویڈیوز اور تصاویر وائرل ہوتی ہیں جو صارفین کے دل جیت لیتی ہیں۔
اسی طرح کی ایک ویڈیو سماجی رابطے کی ویب سائٹ ٹویٹر پر خوب وائرل ہورہی ہے جس میں ایک بلی کے بچے کو بے یارومددگار دیکھا جاسکتا ہے، جو پانی سے بچنے کے لیے ایک جھاڑ کے سہارے پر کھڑا تھا۔
دستیاب معلومات کے مطابق یہ ویڈیو چین کے صوبے ہینان کے علاقے ژیچوان کی ہے، جہاں دریا میں ایک بلی کا بچہ گر گیا تھا اور وہ خود کو بچانے کی ہر ممکن کوشش کررہا تھا مگر اُسے ناکامی کا سامنا تھا۔
پُل پر سے گزرنے والے شہری نے جب تکلیف کا سامنا کرنے والے بلی کے بچے کی آواز سُنی تو انہوں نے پُل سے پانی کی طرف جھانک کر دیکھا تو بلی کا بچہ ایک جھاڑ پر کھڑا اور اوپر کی طرف آنے کی کوشش کررہا تھا۔
بلی کا بچہ دیوار میں پنجے گاڑھ کر اوپر کی طرف آرہا تھا مگر اُسے بہت زیادہ کوشش کے باوجود بھی ناکامی کا سامنا تھا۔
اس سارے منظر کو دیکھنے کے بعد شہری نے اپنی مدد آپ کے تحت بلی کے بچے کو بچانے کا فیصلہ کیا۔ اُسے دیکھ کر دیگر لوگ بھی وہاں جمع ہوئے اور پھر سب نے مل کر بلی کے بچے کو باہر نکلنے کی کوشش شروع کی۔ چونکہ بلی کا بچہ گہرائی میں تھا اور کسی کا گڑھے میں اترنا ممکن نہیں تھا۔
Pedestrian uses a bucket and rope to rescue a little kitten from river embankment 👏 pic.twitter.com/FiY27OMelk
— The Sun (@TheSun) May 19, 2021
پُل پر موجود شہریوں نے مشورے کے بعد رسی باندھ کر پلاسٹک کی ایک بالٹی بلی کے بچے کی طرف پھینکی اور اُس سے نیچے کردی تاکہ بلی کا بچہ گرے تو سیدھا اس میں آئے اور پھر وہ اُسے باہر نکال لیں۔
اب انہوں نے آہستہ آہستہ بالٹی کو بلی کے بچے کی طرف کیا تو بچہ اوپر کی طرف آتا رہا جس کے بعد ایک مصنوعی پودے کو اُس کی طرف کیا گیا، جس سے بلی کا بچہ چمٹا تو سب نے مل کر اُسے اوپر کھینچ لیا۔
