کراچی : کے ایم سی کے افسر نے مافیا کے ہمراہ 40 ایکڑ سرکاری زمین پر قبضے کی کوشش کی۔
تفصیلات کے مطابق کراچی میں کے ایم سی کا افسرسرکاری زمینوں پرقبضہ مافیا کا سرغنہ بن گیا۔
افسر نے بھینس کالونی دیہہ گنگیارو میں 40 ایکڑ سرکاری زمین پر قبضے کی کوشش کی، جس پر اسسٹنٹ ڈائریکٹر کے ایم سی اطہر نقوی کیخلاف مقدمہ درج کرلیا گیا ہے۔
مقدمہ محکمہ ریونیو کے تپہ دار علی گل نے سکھن تھانےمیں درج کرایا، جس کے متن میں کہا گیا کہ ڈیوٹی پر تھا کہ سرکاری اراضی پر قبضے کے کوشش کی اطلاع ملی، نا کلاس46 اراضی مختلف الاٹیز کو 30 سالہ لیز پر دی جا چکی ہے۔
تپہ دار علی گل نے کہا کہ کےایم سی افسراطہرنقوی ہیوی مشینری اور 5 لوگوں کےہمراہ پہنچے ، جہاں 40ایکڑ پر الاٹی کی جانب سے لگائی گئی دیوار توڑ کر گرادی۔
مقدمے کے متن میں کہا گیا کہ مافیا کیساتھ ملکر سرکاری زمین پر قبضے کی کوشش کی گئی، میں نے فوری طور پر بالاحکام کو آگاہ کیا اور تھانے رپورٹ کرنے پہنچا۔
کےایم سی اسسٹنٹ ڈائریکٹر اطہر نقوی نے مافیا کے ہمراہ قبضے کی کوشش کی، ملوث عناصر کے خلاف قانونی کارروائی کی جائے۔
