کراچی: بلدیہ عظمیٰ کراچی نے فنڈز کی عدم فراہمی کے سبب شہرِقائد کے کئی پارکس نیلام کرنے کا فیصلہ کرلیا۔
بلدیہ عظمیٰ کراچی کے زیرانتظام کراچی میں کل 152 پارکس ہیں جن میں سے 122 کو نیلام کرنے کا فیصلہ کیا گیا ہے اور جلد ہی اس کا باضابطہ اعلان اخبارات کے ذریعے کیا جائےگا۔
ذرائع کا کہنا ہے کہ نیلام کئے جانے والے پارکس مین سے 34 پارکس ضلع جنوبی میں ہیں، آٹھ ضلع شرقی میں، دو ڈسٹرکٹ سنٹرل میں، تین سرجانی ٹاوٗن میں اور 73 گلستانِ جوہرمیں واقع ہیں۔
ذرائع نے یہ بھی کہا ہے کہ نیلامی کے بعد پارکوں میں جھولے اور چیئرلفٹس بھی نصب کی جائیں گی۔
کے ایم سے کے ترجمان کا کہنا تھا کہ کچھ پارکس محض دیکھ بھال کی حد تک دئیے جائیں گے جبکہ باقی باضابطہ نیلام کئےجائیں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں