The news is by your side.

Advertisement

نوجوان کے چاقو کے وار سے زخمی ہونے کا بیان جھوٹا نکلا

کراچی : نوجوان کا چاقو مارے جانے کا بیان غلط نکلا، تھوڑی سی تفتیش کے بعد ہی پولیس نے معمہ حل کرلیا، نعمان نے چھٹی کے بہانے خود کو زخمی کیا۔

تفصیلات کے مطابق چاقو مارشخص تو پولیس سے اب تک گرفتار نہ ہوسکا البتہ چھری کے جعلی حملے کا سراغ لگا کر پولیس نے نوجوان کو دھر لیا۔

کراچی کے علاقے گلستان جوہرکے رہائشی 18 سالہ نوجوان نعمان نے خود کو چاقو سے زخمی کرکے کام سے چھٹی لینے کیلئے یہ سارا ڈھونگ رچایا تھا، نعمان نے خود کو تیزدھارآلہ مار کر اپنا ہاتھ زخمی کیا۔

نعمان نے اپنے ایک ویڈیو بیان میں کہا تھا کہ کسی نے اسے چاقو مار کر زخمی کیا ہے، پولیس نے اس سے بیان لیا لیکن گھبراہٹ میں نعمان نے کئی بار اپنا بیان تبدیل کیا جس پر پولیس کو شک ہوا اور اسے گزشتہ رات تحویل میں لے لیا گیا۔


مزید پڑھیں: گلستان جوہر، چاقو بردار ملزم کے وار سے ایک شخص زخمی


پولیس کی تھوڑی دیر کی تفتیش کے بعد ہی نعمان نے سچ اُگل دیا، پولیس کے مطابق نعمان کام سے چھٹی کرنا چاہتا تھا جس کے لئےاس نے خود اپنا ہاتھ زخمی کیا۔


مزید پڑھیں: خواتین پر چاقو کے وار، اہم ملزم گرفتار، پولیس کا دعویٰ


نعمان نے اپنے جرم کا اعتراف کرتے ہوئے بتایا ہے کہ اس نے یہ ڈھونگ کمپنی سے چھٹی لینے کیلئے رچایا تھا کیونکہ وہ اپنے رشتہ داروں کے ساتھ پکنک کیلئے جانا چاہتا تھا لیکن اسے چھٹی نہیں مل رہی تھی۔

Print Friendly, PDF & Email

Comments

comments

یہ بھی پڑھیں