knife کراچی کا مبینہ چھرا ماروسیم پنجاب سے گرفتار -wasim arrest sahiwal
The news is by your side.

Advertisement

کراچی کا مبینہ چھرا ماروسیم پنجاب سے گرفتار

کراچی : چھرا مار وسیم کو پنجاب سے گرفتار کرلیا گیا، ملزم گلستان جوہر کے حملوں میں ملوث ہے یا نہیں؟ ملزم کو تحویل میں لینے کراچی پولیس کی ٹیم ساہیوال روانہ ہو گئی، وسیم سے تفتیش کے بعد حقیقت کا پتہ لگ جائے گا۔

تفصیلات کے مطابق کراچی پولیس نے دعویٰ کیا ہے کہ گلستان جوہر کی گلی گلی میں خوف پھیلانے والا چھری مار پنجاب کے شہر منڈی بہاء الدین سے گرفتار کرلیا گیا ہے۔

مذکورہ کارروائی ساہیوال پولیس نے کی ہے، ڈی آئی جی ایسٹ سلطان خواجہ نے صحافیوں کو بتایا کہ ملزم وسیم کو کراچی لایا جارہاہے۔ کراچی پولیس کی تفتیشی ٹیم پہلے ہی ساہیوال میں موجود ہےاور دوسری ٹیم ملزم کولینے ساہیوال جارہی ہے۔


چھری مارچھلاوے کو پکڑنے کیلئے چھ سو پولیس اہلکار تعینات


ان کا کہنا تھا کہ ملزم وسیم نے ساہیوال میں دو ہزار تیرہ کے دوران چھریوں کے وار سے متعدد خواتین کو زخمی کیا تھا اور گلستان جوہر میں بھی اسی نوعیت کے واقعات کے بعد پولیس نے تفتیش کا دائرہ پنجاب تک پھیلایا۔


چھری مارکو پکڑنے کا انعام5سے بڑھ کر10لاکھ روپے ہوگیا


ڈی آئی جی ایسٹ کے مطابق چند روز پہلے وسیم کے دوست شہزاد کو بھی کورنگی کراچی سے گرفتار کیا گیاتھا جو ریمانڈ پر پولیس کی تحویل میں ہے اور اس نے وسیم کے ساتھ کئی وارداتوں کا اعتراف بھی کر لیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں