راولپنڈی کے خنجر گروپ کا کارندہ ساتھی سمیت گرفتار -
The news is by your side.

Advertisement

راولپنڈی کے خنجر گروپ کا کارندہ ساتھی سمیت گرفتار

راولپنڈی: پولیس کی کارروائی خواتین پر حملے کرنے والا خنجر گروپ کا اہم کارندہ ساتھی سمیت گرفتار کرلیا گیا۔

اطلاعات کے مطابق پولیس حکام نے ملزمان کو زخمی لڑکی کی نشاندہی پر گرفتار کیا ہے، ملزم کو گرفتار کر کے مزید تفتیش کے لیے نامعلوم مقام پر منقتل کردیا گیا ہے۔ خواتین پر خنجر گروپ کی جانب سے حملوں کا سلسلہ تاحال جاری ہے، 40 سے زائد خواتین خنجر گروپ کے حملوں کی زد میں آچکی ہیں۔

اطلاعات کے مطابق عینی شاہدین اور متاثرین کے بتائے گئے حلیے کی بنیاد پر کئی مشکوک افراد کو حراست میں لیا گیا ہے تاہم حتمی ملزم کی گرفتاری عمل میں نہیں آسکی۔

گزشتہ روز مقامی پولیس نے عینی شاہدین کی مدد سے ملزمان کے خاکے جاری کیے تھے، پولیس حکام نے شہریوں سے اپیل کی ہے کہ وہ گینگ کے کارندوں کی موجودگی پر فوری طور پر ہیلپ لائن نمبر یا پھر قریبی تھانے میں پولیس کو آگاہ کریں تاکہ ایسے عناصر کے خلاف کارروائی کی جاسکے۔

پولیس حکام نے خنجر گروپ کے کارندوں کی گرفتاری کے لیے شہر بھر میں سیکیورٹی سخت کردی تھی جس کے بعد ملزمان کی گرفتاری عمل میں لائی گئی ہے۔

Comments

comments

یہ بھی پڑھیں