نئی دہلی: بھارتی کرکٹر ویراٹ کوہلی نے فوٹوگرافرز کو اپنی بیٹی کی تصویر کھینچنے سے روک دیا۔
سوشل میڈیا پر وائرل ہونے والی ویڈیو میں ویراٹ کوہلی اور انوشکا شرما کو اپنی 9 ماہ کی بیٹی وامیکا کے ساتھ ممبئی ایئرپورٹ پر دیکھا جاسکتا ہے۔
کوہلی اہلیہ اور بیٹی کے ہمراہ جنوبی افریقہ کے لیے روانہ ہورہے ہیں جہاں بھارتی کرکٹ ٹیم جنوبی افریقہ کے خلاف 3 ٹیسٹ میچز کی سیریز کھیلے گی۔
- Advertisement -
ٹیم کی بس سے اترنے کے بعد کوہلی فوٹو گرافرز کو کہتے دکھائی دیتے ہیں کہ بچی کی تصویر مت لینا۔
View this post on Instagram
واضح رہے کہ چند دن قبل ٹی 20 ورلڈ کپ میں پاکستان کے خلاف شکست کے بعد ویراٹ کوہلی کی بیٹی کو ریپ کی دھمکیاں دی گئی تھیں۔
بعد ازاں بھارتی پولیس نے دھمکی دینے والے شخص کو گرفتار کرلیا تھا۔
