جرمن انفلوئنسر لزلیز نے ویرات کوہلی کی جانب سے تصویر لائیک اور ان لائیک کرنے کے معاملے پر خاموشی توڑ دی۔
بھارتی میڈیا رپورٹ کے مطابق بھارت کے مایہ ناز کرکٹر ویرات کوہلی کے انسٹاگرام اکاؤنٹ سے پہلے جرمن انفلوئنسر لزلیز کی تصویر لائیک کی اور بعدازاں اسے فوراً ان لائیک کردیا لیکن تب تک بہت دیر ہوچکی تھی اور سوشل میڈیا پر میمز کی بھرمار ہوگئی۔
تاہم اب جرمن انفلوئنسر لزلیز نے ردعمل دیتے ہوئے کہا کہ ’مجھے ابتدا میں خوشی ہوئی تھی مگر بعد میں اس پورے معاملے کے بڑھ جانے پر افسوس بھی ہوا ہے۔‘
انہوں نے کہا کہ مجھے ویرات کوہلی کے لیے بہت افسوس ہوا میں بہت خوش ہوگئی تھی کہ انہوں نے میری تصویر کو پسند کیا ہے لیکن پھر ان کا ان لائیک کرنا مجھے بہت عجیب لگا، مجھے نہیں معلوم اتنی بڑی خبر کیسے بنی شاید ان کی نیت یہ نہیں تھی۔
انفلوئنسر نے کہا کہ مجھے اس صورت حال کا علم بھی خبروں کے ذریعے ہوا ہے میں جب سو کر اٹھی تو ہر جگہ خبروں میں تھی۔ مجھے نہیں پتا تھا کہ ویرات نے میری تصویر کو کب لائیک کیا تھا لوگوں نے مجھے مختلف پلیٹ فارمز سے میسجز بھیجے اور مجھے اس بارے میں بتایا۔
View this post on Instagram
لزلیز کا یہ بھی کہنا ہے کہ میں انڈین پریمیئر لیگ کے دوران آر سی بی کی مداح بنی تھی اور ویرات کوہلی کو ایک شاندار کھلاڑی مانتی ہوں۔
واضح رہے کہ گزشتہ سال 2025 میں بھی ان کے اکاؤنٹ سے اداکارہ اوینیت کور کی تصویر کو مبینہ طور پر لائیک کیا گیا تھا، جس پر کافی بحث ہوئی تھی، اس وقت کوہلی نے وضاحت دیتے ہوئے کہا تھا کہ یہ محض الگورتھم یا فیڈ کلیئرنگ کے دوران ہونے والی غلطی تھی اور اس میں کوئی ارادہ شامل نہیں تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں