بھارت اور نیوزی لینڈ کے درمیان ممبئی ٹیسٹ کے پہلے روز ویرات کوہلی کے متنازع آؤٹ نے نئی بحث چھیڑ دی۔
تفصیلات کے مطابق بھارت اور نیوزی لینڈ کے درمیان دوسرے ٹیسٹ کا پہلے روز بھارت نے 4 وکٹوں کے نقصان پر 221 رنز بنالیے، میانک اگروال نے 120 رنز کی شاندار اننگز کھیلی، ویرات کوہلی صفر پر اعجاز پٹیل کی گیند پر ایل بی ڈبلیو آؤٹ ہوئے۔
ویرات کوہلی نے آؤٹ کے متنازع آؤٹ نے نئی بحث چھیڑ دی، کمنٹیٹر سمیت سوشل میڈیا صارفین کی امپائر پر تنقید کررہے ہیں۔
ویڈیو میں دیکھا جاسکتا ہے کہ ویرات کوہلی پٹیل کی گیند کو کھیلنے گئے تو گیند بلے کو چھوتی ہوئی پیڈ سے ٹکرائی اور امپائر سے اسے آؤٹ دے دیا۔
#ViratKohli @imVkohli @BCCI
If this is out then your choice of umpire is excellent ✌️
Clearly ball hits the bat first 😡😡😡😡😡😡😡
Next level of #umpire pic.twitter.com/5XK7qpuBhZ— amit devadiga (@devadiga_amit) December 3, 2021
ویرات کوہلی بھی امپائر کے اس آؤٹ پر افسردہ نظر آئے، پویلین میں بیٹھے کھلاڑی بھی امپائر کے اس فیصلے پر حیران رہ گئے۔
ٹی وی امپائر وریندر شرما نے کئی ری پلے دیکھے جن میں سے کچھ زاویوں سے اندازہ لگایا گیا کہ گیند پہلے بلے سے ٹکرائی تھی لیکن امپائر کو یہ کہتے ہوئے سنا گیا کہ بال، بیٹ اور پیڈ ایک ساتھ دکھائی دیتے ہیں میرے پاس اس فیصلے کو ریورس کرنے کے لیے کوئی حتمی ثبوت نہیں ہے۔
سابق بھارتی کھلاڑی وسیم جعفر نے کہا کہ میرے خیال میں امپائر کا فیصلہ غلط ہے، ٹی وی امپائر نے مایوس کن فیصلہ دیا ہے۔
بھارتی فلم انڈسٹری کے معروف اداکار پاریش راول نے بھی امپائر پر تنقید کرتے ہوئے لکھا کہ ’یہ تھرڈ امپائر ہے یا تھرڈ کلاس امپائرنگ ہے۔‘
Actor Paresh Rawal hits out at the third umpire for the Virat Kohli dismissal.#INDvNZ #Cricket #India #NewZealand #IndianCricketTeam #ViratKohli pic.twitter.com/XGWdFQ3NoK
— CricTracker (@Cricketracker) December 3, 2021
واضح رہے کہ دوسرے ٹیسٹ کے پہلے روز کھیل کے اختتام پر بھارت نے 4 وکٹوں کے نقصان پر 221 رنز بنالیے ہیں، میانک اگروال 120 اور وردھیمان ساہا 25 رنز کے ساتھ کریز پر موجود ہیں۔