The news is by your side.

Advertisement

اشاروں کی زبان بولنے والا ذہین گوریلا چل بسا

اشاروں کی زبان سمجھنے اور بولنے والا ذہین امریکی گوریلا کوکو چل بسا۔ کوکو ہالی ووڈ کی کئی فلموں اور ڈاکیو مینٹریز میں جلوہ گر ہوچکا تھا۔

گوریلا کوکو سنہ 1971 میں کیلیفورنیا میں پیدا ہوا تھا۔ 46 سالہ گوریلا کی ذہانت عام گوریلوں کے مقابلے میں کہیں زیادہ تھی۔ ماہرین کے مطابق اس کا آئی کیو 75 سے 95 کے درمیان تھا جبکہ وہ انگریزی زبان کے 2 ہزار کے قریب الفاظ بھی سمجھتا تھا۔

کوکو اشاروں کی زبان بھی سمجھتا تھا۔ اسے بلی کے ننھے بچے بے حد پسند تھے اور وہ ان کے ساتھ بہت کھیلا کرتا تھا۔

گوریلا ہالی ووڈ کی کئی فلموں اور ڈاکیو مینٹریز میں جلوہ گر ہوچکا تھا جبہ کئی اداکار اس کے دوست تھے جن میں آنجہانی ہالی ووڈ اداکار رابن ولیمز بھی شامل ہیں۔

رابن ولیمز کی موت پر گوریلا بہت رویا تھا اور کئی دن تک اداس رہا تھا۔

کیلیفورنیا کی گوریلا فاؤنڈیشن کے مطابق گوریلا کی موت سوتے ہوئے واقع ہوئی اور یہ طبعی موت تھی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں