شوبز انڈسٹری کی خوبرو اداکارہ کومل عزیز نے انکشاف کیا ہے کہ طیارے میں انہوں نے اکانومی کی ٹکٹ پر بزنس کلاس میں سفر کیا تھا۔
اداکارہ کومل عزیز کا ایک ویڈیو کلپ سوشل میڈیا پر وائرل ہورہا ہے جس میں انہوں نے بتایا کہ طیارے میں انہیں ایک امیر بھارتی بزنس ٹائیکون کی بیوی سمجھ کر بزنس کلاس میں سفر کرنے دیا گیا تھا۔
انہوں نے بتایا کہ مجھے اے ایم اور پی اے ایم میں کنفیوژن رہتی ہے امریکا میں تھی اور نیویارک جانا تھا، رات کی فلائٹ بک کروا کر اطمینان سے اگلے دن صبح بارہ بجے ایئرپورٹ پہنچی تو معلوم ہوا کہ فلائٹ پہلے ہی نکل چکی ہے کیونکہ ٹکٹ رات 12 بجے کی تھی۔
کومل نے بتایا کہ ایئرپورٹ عملے سے درخواست کی تو انہوں نے انتظار کرنے کا کہا جیسے ہی کوئی فلائٹ کینسل کرواتا ہے تو انہیں ایڈجسٹ کردیا جائے گا۔
Komal Aziz reminisces on the time she missed her flight to NYC and did not have enough funds to get a whole new ticket, so she got bumped up to business class free of cost, by the crew 💺 #KomalAziz (📸: @shadowproductions.us ) pic.twitter.com/lTGz6XXXRT
— Galaxy Lollywood (@galaxylollywood) September 11, 2023
اداکارہ نے بتایا کہ فلائٹ کینسل کروانے کے بعد تین مسافروں کو ایڈجسٹ کیا گیا اور طیارے میں مجھے اکانومی کا ٹکٹ ہونے کے باوجود بزنس کلاس کی ٹکٹ مل گئی لیکن بعد میں عملے کو احساس ہوا تو انہوں نے مسافروں کو اکانومی کلاس میں بھیجنے کا فیصلہ کیا۔
کومل عزیز کے مطابق طیارے کے عملے نے دیگر دو مسافروں کو تو واپس اکانومی کلاس میں بھیج دیا تاہم وہ انہیں پہچان نہیں پایا کیونکہ وہ بھارتی بزنس ٹائیکون کے برابر میں بیٹھی تھیں جس کی وجہ سے طیارے کا عملہ انہیں مذکورہ امیر بھارتی شخص کی بیوی سمجھنے لگے۔
انہوں نے یہ بھی بتایا کہ اندون ملک فلائٹ میں کھانا نہیں دیا جاتا لیکن انہیں مذکورہ بھارتی بزنس ٹائیکون کی بیوی سمجھ کر کھانا بھی پیش کیا گیا۔
