(3 اکتوبر 2026): بولی وڈ اداکار گووندا کی مبینہ گرل فرینڈ اداکارہ کومل رانی نے مبینہ افیئر پر تنقید کا نشانہ بنانے والی نامور شخصیات کو سخت وارننگ دے دی۔
کومل رانی کی وارننگ دیویا کھوسلہ کمار اور کشمیرا شاہ دونوں کی جانب سے لال باغچہ راجہ میں ان کی اور گووندا کی مشترکہ حاضری کے بعد سنیتا آہوجا کی کھلے عام حمایت کے بعد سامنے آئی۔
انہوں نے حالیہ انسٹاگرام پوسٹ میں لکھا کہ حال ہی میں، میں نے دیکھا کہ کچھ مشہور شخصیات گووندا اور میری ذاتی زندگی اور ہمارے کردار پر کھلے عام تبصرے کر رہی ہیں، میں نے ان افراد کو اس سے پہلے کبھی کسی سنجیدہ مسئلے پر اتنی مضبوطی سے اپنی رائے کا اظہار آتے نہیں دیکھا، تو ہماری ذاتی زندگی اچانک ایسا عوامی تماشا کیسے بن گئی کہ ہر کوئی اس پر تبصرہ کرنے کا حقدار محسوس کرتا ہے؟
یہ بھی پڑھیں: کیا گووندا کومل رانی سے شادی کرنے والے ہیں؟
کومل رانی نے لکھا کہ میری فلم کے ہیرو کے ساتھ گنپتی باپا کے سامنے جانا اور اپنی آنے والی فلم ’روپا‘ کی کامیابی کیلیے دعا کرنا کب سے شرم کی بات، مسئلہ یا دوسروں کیلیے دکھاوا بن گیا؟ ہم نے اپنی فلم کا اعلان کیا ہے نہ کہ کسی رومانوی افیئر کا، خواتین اداکارائیں باقاعدگی سے پروموشنز کیلیے مرد ساتھی اداکاروں کے ساتھ نظر آتی ہیں۔
اداکارہ کا کہنا تھا کہ مجھے ان خواتین سے سندور، شادی، یا ہندوستانی ثقافت اور روایات پر سبق لینے میں کوئی دلچسپی نہیں ہے جو خود سندور کا مذاق اڑاتی ہیں، جن کی اپنی شادیاں ٹوٹ رہی ہیں۔
انسٹاگرام پوسٹ کے آخر میں کومل رانی نے تنقید کرنے والی شخصیات کو خبردار کرتے ہوئے کہا کہ اگر مجھ پر مزید دباؤ ڈالا گیا تو ماضی بے نقاب کر دوں گی۔
