کراچی: کورنگی انڈسٹریل ایریا میں کلاشنکوف بردار ڈاکوؤں نے ڈیری شاپ اورہوٹل سمیت کئی دکانوں کو لوٹ لیا۔
تفصیلات کے مطابق کراچی میں کورنگی انڈسٹریل ایریا کرمنلز کا گڑھ بن گیا ہے، کلاشنکوف بردار ڈاکوؤں کی پے در پے وارداتیں جاری ہیں اور پولیس خاموش تماشائی بنی ہوئی ہے۔
چہرہ ڈھانپے 5 کلاشنکوف بردار ڈاکوؤں نے ڈیری شاپ اور ہوٹل سمیت کئی دکانوں میں لوٹ مار کی۔
سی سی ٹی وی میں دیکھا جاسکتا ہے ڈاکوؤں نے پہلی واردات بسمہ اللہ ملک شاپ پر کی،جہاں سے 6 ہزار لوٹے پھر ہوٹل سے 70 ہزار روپے لوٹ کر کلاشنکوف سے فائرنگ کرتے ہوئے فرار ہوگئے۔
واردات 5 مسلح ملزمان کی جانب سے کی گئی ، 2ملزمان پستول تھامے کیش کاؤنٹر خالی کرتے رہے۔
فوٹیج میں دیکھایا گیا کہ کلاشنکوف پکڑے ملزم پروفیشنل طریقے سے جامع تلاشی لینے لگا، ملزم نے شناخت چھپانے کے لیے چہرہ مکمل ڈھانپ رکھا تھا۔
ملزمان کے 2 ساتھی باہر ہتھیار تھامے موجود رہے جبکہ ملزم نے دکان کے باہر کلاشنکوف سے فائرنگ بھی کی۔
