The news is by your side.

Advertisement

کورنگی : بھائی کے سامنے بھائی کا قتل، پولیس کی روایتی بے حسی

کراچی : کورنگی میں ڈاکوؤں نے گزشتہ روز ایک اور نوجوان کو واردات کے دوران قتل کردیا تھا، ملزمان نے مزاحمت پر نوجوان بلال کو بڑے بھائی کے سامنے گولی مار دی۔

کورنگی انڈسٹریل ایریا میں ڈاکوؤں کے ہاتھوں بھائی کے سامنے بھائی کے قتل کا معاملے میں پولیس اپنی روایتی سستی اور کاہلی کا مظاہرہ کررہی ہے۔

واقعاتی شواہد اکٹھے کرنے کے سوا تحقیقات میں تاحال کوئی پیشرفت نہ ہوسکی، اس سلسلے میں صرف قتل کا مقدمہ مقتول کے بھائی اور عینی شاہد کاشف کی مدعیت میں درج کیا گیا ہے۔

اس حوالے سے پولیس کا کہنا ہے کہ جائے وقوعہ سے ملنے والا گولی کا خول فارنزک کے لیے بھیج دیا گیا ہے۔ فارنزک رپورٹ کی روشنی میں تحقیقات کو آگے بڑھایا جائے گا۔

پولیس کے مطابق عینی شاہدین کے بیانات سے بھی مدد حاصل کرنے کی کوشش جارہی ہے، عینی شاہدین کے مطابق موٹرسائیکل سوار ملزمان نے موبائل فون اور پیسے مانگے تھے۔

عینی شاہدین کا کہنا ہے کہ مقتول بلال کی جانب سے پیسے نہ دیے جانے پر ملزمان نے فائرنگ کی، ملزمان نے پہلا فائر زمین پر اور دوسرا بلال کی گردن پر مارا۔

مزید پڑھیں : شاہ رخ کے بعد ڈکیتی مزاحمت پر ایک اور نوجوان بڑے بھائی کے سامنے قتل

پولیس نے اپنی رپورٹ میں کہا ہے کہ موٹر سائیکل سوار سفاک ملزمان مقتول سے موبائل اور پیسے لے کر باآسانی فرار ہوگئے۔

Comments

یہ بھی پڑھیں