The news is by your side.

Advertisement

دھرنوں کی سیاست پر یقین نہیں رکھتے، وزیراعظم نوازشریف

کوٹلی ستیاں : وزیراعظم نواز شریف نے عوامی رابطہ مہم کے پہلے مرحلے میں کوٹلی ستیاں میں عوامی اجتماع سے خطاب کرتے ہوئے کہا ہے کہ وہ دھرنوں کی سیاست پر یقین نہیں رکھتے۔

دوہزار اٹھارہ تک ملک سے دہشت گردی، لوڈشیڈنگ کا مکمل خاتمہ کردیا جائے گا۔

تفصیلات کے مطابق وزیراعظم نوازشریف نےعوامی رابطہ مہم میں عوام سے پہلارابطہ کرلیا۔ کوٹلی ستیاں میں جلسے سے خطاب میں کہا کہ چیک بانٹنےآیا تھا یہاں تو جلسہ ہوگیا۔

ان کا کہناتھا کہ میں یہاں کسی کے خلاف بات کرنے نہیں آیا، وزیراعظم نواز شریف نے خطاب میں سوال اٹھایا کہ وہ کون شخص تھا جس نے ملک کو اندھیرے کی جانب دھکیلا۔

انہوں نے دعویٰ کیا کہ دوہزار اٹھارہ میں لوڈ شیڈنگ کا مستقل خاتمہ کردیا جائے گا، وزیراعظم نواز شریف نے دہشت گردی کو بڑا چیلنج قرار دیتے ہوئے کہا کہ حکومت نے دہشت گردی کے خلاف جنگ شروع کی اور کامیابیاں مل رہی ہیں ۔

انہوں نے پاک فوج پولیس اور عوام کو خراج تحسین پیش کیا، وزیراعظم نواز شریف نے کراچی کی صورت حال کا بھی ذکر کیا اور کہا کہ آج کا کراچی تین سال پہلے والے کراچی سے بہت بہتر ہے۔

وزیراعظم نواز شریف نے کہا کہ وہ دھرنوں کی سیاست نہیں کرتے ، اس موقع پر انہوں نے بارش اور لینڈ سلائیڈنگ کے متاثرین میں امدادی چیک تقسیم کئے اور کوٹلی ستیاں میں سڑکوں کا جال بچھانے کا اعلان بھی کیا۔

 

Print Friendly, PDF & Email

Comments

comments

یہ بھی پڑھیں