کرونا وائرس نے دنیا بھر میں ہلاکت خیز ہنگامہ تو مچا ہی رکھا ہے، تاہم بھارت میں اس وائرس کے نام کی وجہ سے ایک شہری کی زندگی بھی مشکل میں پڑ گئی ہے، کیوں کہ ان کے نام میں بھی کووڈ آتا ہے، ایک ایسا نام جس کا ذکر سن کر سبھی گھبرا جاتے ہیں۔
اس بھارتی شہری کا نام کووِڈ کپور ہے’ تاہم نئے کرونا وائرس کے سائنسی نام کا ابتدائی حرف ’ C ‘ ہے جب کہ شہری کا نام ’K ‘ سے شروع ہوتا ہے۔
So! Since the last thread got sooo viral – and I feel like a mini-celeb now – thought I'll share a bunch of funny names related incidents.
— Kovid Kapoor (@kovidkapoor) January 5, 2022
2019 کے اواخر میں چین سے دنیا بھر میں پھیلنے والے وائرس نے ہر جانب تباہی مچا رکھی ہے، تب سے 30 سالہ ’کووِڈ کپور‘ کی زندگی بھی اجیرن ہو گئی ہے، ان کے نام کے سلسلے میں لوگوں نے انھیں بھی ‘انسان سے وائرس’ بنا دیا ہے۔
Went outside India for the first time since COVID and got a bunch of people amused by my name. 😂
Future foreign trips are going to be fun!
— Kovid Kapoor (@kovidkapoor) January 4, 2022
اس سلسلے میں کووِڈ کپور نے ٹوئٹر پر ایک ٹوئٹ میں بتایا کہ کرونا وائرس نے اُن کی زندگی کافی مشکل بنا دی ہے، اُن کا نام بھی کووِڈ ہے جسے وہ ’کے ‘ سے لکھتے ہیں، لیکن کرونا وائرس آنے کے بعد اُن کا نام بھی لوگ Covid والے ’ C ‘ سے لکھنے لگے ہیں۔
ٹوئٹ میں کپور نے کہا کہ وہ کافی عرصے کے لاک ڈاؤن کے بعد جب گھر سے باہر نکلے تو ہر کوئی اُن کا نام سُن کر حیران نظر آ رہا تھا، لیکن ابھی تو اُس وقت صحیح مزہ آئے گا جب میں بین الاقوامی سفر پر جاؤں گا۔
کووِڈ کپور نے ٹوئٹ میں جنم دن کے کیک کی ایک تصویر بھی شیئر کی، جس پر اس کے دوست نے ان کا نام ’C‘ سے Covid لکھوایا۔
