The news is by your side.

Advertisement

پاکستان کے دفاع کے لیے سب سے پہلے سکھ قوم اپنا خون بہائے گی، رنجیت سنگھ

اسلام آباد: پارلیمانی سیکریٹری خیبرپختونخوا اسمبلی سردار رنجیت سنگھ نے کہا ہے کہ پاکستان کے دفاع کے لیے سب سے پہلے سکھ قوم اپنا خون بہائے گی۔

تفصیلات کے مطابق یوم دفاع اور یکجہتی کشمیر کے حوالے سے نصیر بندہ ہاکی اسٹیڈیم میں نمائشی ہاکی میچ کھیلا گیا، نمائشی ہاکی میچ میں سابق اولمپئنز اور نوجوان کھلاڑیوں نے شرکت کی، پارلیمانی سیکریٹری خیبرپختونخوا اسمبلی سردار رنجیت سنگھ مہمان خصوصی تھے۔

مہمان خصوصی نے میچ کے اختتام کے بعد شریک کھلاڑیوں میں انعامات اور شیلڈز تقسیم کیں۔

سردار رنجیت سنگھ نے میڈیا سے گفتگو کرتے ہوئے کہا کہ پوری سکھ قوم پاکستان کے دفاع کے لیے تیار ہے، پاکستان کے دفاع کے لیے سب سے پہلے سکھ قوم اپنا خون بہائے گی۔

مزید پڑھیں: مقبوضہ کشمیر: نیو یارک میں موبائل ٹرک پر کرفیو کلاک آویزاں

پارلیمانی سیکریٹری خیبرپختونخوا اسمبلی نے کہا کہ کشمیری بھائیوں اور بہنوں کے دکھ میں برابر کے شریک ہیں، مود کو پیغام ہے کہ ایٹم بم بنانا ہی نہیں جانتے چلانا بھی جانتے ہیں۔

سردار رنجیت سنگھ نے کہا کہ مودی پاکستان کی طرف میلی آنکھ سے نہ دیکھے، پاکستان کے دفاع کے لیے سب سے آگے سکھ قوم ہوگی۔

واضح رہے کہ مقبوضہ کشمیر میں بھارتی فوج کی بربریت جاری ہے آج کشمیر میں کرفیو کو 33 روز ہوگئے، کشمیری عوام گھروں میں محصور ہیں، غذائیں اور ادویات کی قلت ہے، پاکستان کی جانب سے عالمی برادری سے کرفیو ہٹوانے کا مطالبہ کیا گیا ہے۔

یاد رہے کہ مودی سرکار نے 5 اگست کو مقبوضہ کشمیر میں آرٹیکل 376 کی حیثیت کو ختم کرکے کشمیری عوام پر ظلم ڈھایا تھا۔

Comments

comments

یہ بھی پڑھیں