وزیراعلیٰ کےپی سہیل آفریدی نے وزیراعظم شہباز شریف سے ملاقات میں بانی کے حوالے سے کوئی بات کی یا نیہں، عطا تارڑ نے بتادیا۔
وفاقی وزیراطلاعات عطا تارڑ نے بتایا کہ وزیراعلیٰ سہیل آفریدی نے وزیراعظم سے کوئی سیاسی بات نہیں کی، وزیراعلیٰ کےپی سہیل آفریدی نے بانی کی کوئی بات نہیں کی ہے۔
عطا تارڑ نے بتایا کہ وزیراعظم نے کہا آپ آئینی مینڈیٹ کے تحت امن، تعلیم، صحت پر کام کریں، وزیراعظم نے سہیل آفریدی کو کہا وفاق مکمل تعاون کرےگا۔
سہیل آفریدی نے آج وزیراعظم شہباز شریف سے ملاقات کی تھی جس کے بعد میڈیا سے گفتگو میں انھوں بتایا کہ وزیراعظم نے خود انہیں ملاقات کی دعوت دی تھی۔
ملاقات میں بلوچستان میں حالیہ واقعے پر اظہار تعزیت کیا گیا اور دہشت گردی کے ہر واقعے کی مذمت کی گئی، دہشت گردی کے خلاف مشترکہ لائحہ عمل پر بھی غور کیا گیا۔
سہیل آفریدی کا کہنا تھا کہ وزیراعظم کے ساتھ صوبے کے مسائل، ضم اضلاع میں ترقیاتی منصوبوں اور 26 ارب روپے کی سرمایہ کاری پر بات ہوئی۔
انھوں نے بتایا کہ وزیراعظم نے احسن اقبال سمیت دیگر حکام کو ہدایات جاری کی ہیں اور این ایف سی اور فنڈنگ سے متعلق تمام امور بھی زیر بحث آئے۔
دریں اثنا ذرائع نے بتایا کہ وزیراعظم شہبازشریف کی آج صدر سے ہونے والی ملاقات ملتوی ہوگئی ہے، صدرآصف زرداری کی مصروفیات کے باعث ملاقات ملتوی کی گئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں