The news is by your side.

Advertisement

خیبر پختونخواہ حکومت کا چھوٹے ڈیمز کو تفریحی مقامات بنانے کا فیصلہ

پشاور : خیبر پختونخواہ حکومت نے چھوٹے ڈیمز کو تفریحی مقامات بنانے کا فیصلہ کرلیا، ڈیموں میں کنڈل ڈیم صوابی، جلوزئی ڈیم نوشہرہ اور تھانڈا ڈیم کوہاٹ، چھتری ڈیم ہری پور،جھنگڑا ڈیم ایبٹ آباد شامل ہیں۔

تفصیلات کے مطابق خیبر پختونخواہ حکومت نے چھوٹے ڈیمز کو تفریحی مقامات بنانے کا فیصلہ کرلیا، ابتدائی طور پر5 ڈیمزکوسیاحتی مقامات بنانےکے منصوبے کا آغاز کیا جائے گا۔

حکومت کی جانب سے کنڈل ڈیم صوابی،جلوزئی ڈیم نوشہرہ اور تھانڈاڈیم کوہاٹ، چھتری ڈیم ہری پور،جھنگڑاڈیم ایبٹ آباد کوسیاحتی مقام بنایا جارہا ہے۔

سیاحتی مقامات پر پارکنگ، ریسٹورنٹ، ٹک شاپ اور اوپن کوکنگ ، سولرسسٹم لینڈاسکپنگ، اسپاٹ اور فشنگ کی سہولت فراہم کی جائے گی۔

یاد رہے 19 اگست کو وزیراعظم عمران خان نے پاکستان کے مثبت تاثر کو دنیا بھر میں اجاگر کرنے کے سلسلے میں ملکی سیاحت کو فروغ دینے کے لیے اہم فیصلے کیےتھے۔

وزیراعظم کی ہدایت پر ملک میں سیاحت کےفروغ کیلئےقومی رابطہ کمیٹی تشکیل دےدی گئی  اور معاون خصوصی زلفی بخاری کو رابطہ کمیٹی کاکنوینئر مقرر کیا گیا تھا۔

کمیٹی ہفتہ واراجلاس کرے گی او 14دن بعد وزیراعظم کو پیشرفت سےآگاہ کر گی جبکہ ملک کےتمام سیاحتی مقامات پر قائم تجاوزات کےخلاف آپریشن کا بھی فیصلہ کیا گیا  تھا۔

Comments

یہ بھی پڑھیں