کے پی حکومت نے وفاق سے سیلاب زدہ علاقوں کیلیے ادویات مانگ لی ہیں اس حوالے سے خیبرپختونخوا محکمہ صحت نے قومی ادارہ صحت کو مراسلہ ارسال کردیا ہے۔
اے آر وائی نیوز کو ذرائع نے بتایا ہے کہ کے پی حکومت نے صوبے کے سیلاب زدہ 20 اضلاع کے لیے ادویات اور ویکسین طلب کی ہے اور وفاق سے ٹائیفائیڈ، سانپ اور کتے کے کاٹے کی ویکسین اور او آر ایس مانگے ہیں۔
ذرائع کے مطابق خیبر پختونخوا حکومت نے ٹائیفائیڈ کی 663244 ویکسین ڈوز مانگی ہیں، اس کے علاوہ سانپ کے کاٹے کی 6710 ویکسین، کتے کے کاٹے کی 54550 ڈوز جب کہ او آر ایس نمکول کے 11 لاکھ 89 ہزار پیکٹس طلب کیے ہیں۔
یہ بھی پڑھیں: سیلاب زدہ علاقوں میں وبائی امراض کے نئے بحران نے سر اٹھالیا
واضح رہے کہ سیلاب نے جہاں ملک بھر میں تباہی مچا کر کروڑوں افراد کو متاثر کیا ہے وہیں اب سیلاب زدہ علاقوں میں وبائی امراض تیزی سے پھیل کر ایک نیا بحران پیدا کر رہے ہیں۔
