پاک چائنا اقتصادی راہداری ، کے پی کے حکومت نے عدالت سے رجوع کرلیا -
The news is by your side.

Advertisement

پاک چائنا اقتصادی راہداری ، کے پی کے حکومت نے عدالت سے رجوع کرلیا

پشاور : خیبرپختونخوا حکومت نے پاک چائنا اقتصادی راہداری میں مغربی روٹ کے معاملے پر عدالت سے رجوع کرلیا، خیبرپختونخواہ اسمبلی کے اسپیکراسدقیصرنے عدالت میں پٹیشن دائر کردی۔

مغربی روٹ پاک چائنا اقتصادی راہداری میں شامل ہے یا نہیں؟ کے پی کے حکومت نے عدالت سے رجوع کرلیا ہے، کے پی کے اسمبلی کے اسپیکر اسد قیصر نے عدالت میں پٹیشن دائر کردی، پٹیشن میں وفاقی حکومت وزیراعظم نواز شریف اور چیئر مین این ایچ اے کو فریق بنایا گیا ہے۔

پٹیشن کی کاپی اے آر وائی نیوز نے حاصل کرلی ہے۔

عدالت کے باہر میڈیا سے بات کرتے ہوئے اسد قیصر کہنا تھا کہ سی پیک کے مخالف نہیں، اسے کامیاب دیکھنا چاہتے ہیں لیکن تمام صوبوں کویکساں حقوق ملنا چاہیئں، اے پی سی کے فیصلوں پر عمل کیا جائے۔

پیک پر کے پی کے حکومت کے عدالت جانے پر افسوس ہے، احسن اقبال

دوسری جانب ن لیگ کے رہنما احسن اقبال کا کہنا ہے کہ انھیں سی پیک پر کے پی کے حکومت کے عدالت جانے پر افسوس ہے، وہ وزیراعلیٰ کے پی کے سے مل کر معاملہ حل کریں گے۔

خیال رہے کہ خیبر پختون خوا حکومت نے پاک چائنہ اقتصادی راہداری میں مغربی روٹ کےمعاملے پر عدالت سے رجوع کرنے کا فیصلہ کیا تھا۔

اے آر وائی نیوز سے گفتگو میں خیبر پختونخواہ حکومت کے ترجمان مشتاق غنی کا کہنا تھا کہ عدالت میں کے پی کے اسمبلی میں مغربی روٹ سے متعلق پاس کردہ قرارداد کی روشنی میں رٹ دائر کی جائیگی، رٹ میں مؤقف اختیار کیا جائیگا کہ قومی اہمیت کے حامل اس منصوبے سے خیبرپختونخوا کو نظرانداز کیا جارہا ہے۔

Comments

comments

یہ بھی پڑھیں