The news is by your side.

Advertisement

خیبرپختونخوا میں ڈینگی کے مریضوں کی تعداد میں مزید اضافہ

پشاور: خیبرپختونخوا میں ڈینگی کے مریضوں کی تعداد میں اضافہ ہوا ہے اور ڈینگی کے 20نئے کیسز رپورٹ ہوئے ہیں۔

تفصیلات کے مطابق کے پی ڈینگی رسپانس یونٹ کا کہنا ہے کہ خیبرپختونخوا میں ڈینگی کے 20 نئے کیسز رپورٹ ہوئے ہیں جس کے بعد صوبے میں ڈینگی کیسز کی تعداد 6868 ہوگئی ہے۔

ڈینگی رسپانس یونٹ کے مطابق پشاور میں ڈینگی کے 20 نئے کیسز رپورٹ ہوئے ہیں، صرف پشاورمیں ڈینگی کے9نئے کیسز سامنے آئے ہیں، پشاور میں ڈینگی سے متاثرہ مریضوں کی تعداد 2614ہوگئی ہے۔

رپورٹ کے مطابق پشاور میں50 مریض مختلف اسپتالوں میں زیر علاج ہیں جبکہ17 نئے مریضوں کو اسپتال میں داخل کرایا گیا ہے، 6818مریضوں کو علاج کے بعد ڈسچارج کردیا گیا ہے۔

واضح رہے کہ وزیراعظم عمران خان کے معاون خصوصی ڈاکٹر ظفر مرزا نے کہا تھا کہ مؤثر اقدامات سےڈینگی کی صورتحال میں نمایاں کمی آئی ہے۔

ان کا کہنا تھا کہ انسداد ڈینگی کی منصوبہ بندی پرقومی پالیسی تشکیل دی جارہی ہےآئندہ سال پالیسی کے تحت مؤثر اقدامات کریں گے۔

ڈاکٹر ظفر مرزا کا کہنا تھا کہ انسداد ڈینگی کیلئے مشترکہ کوششوں کے نتائج حوصلہ افزا ہیں، رسپانس ٹیمیں اسی طرح لگن اور جذبے کے ساتھ کام کریں۔

مزید پڑھیں: ڈینگی وائرس سے کراچی میں ایک اور خاتون جاں بحق

یاد رہے کہ گزشتہ ماہ ڈی جی ہیلتھ خیبرپختونخوا محمد ارشد کا کہنا تھا کہ پشاور میں ڈینگی کے پھیلنے کی خبریں حقیقت پر مبنی نہیں ہیں، پولیو کی طرح اب ڈینگی کے حوالے سے بھی افواہیں پھیلائی جارہی ہیں۔

fb-share-icon0
Tweet 20

Comments

comments

یہ بھی پڑھیں