خیبر پختونخوا میں تیل و گیس کے نئے ذخائر دریافت -
The news is by your side.

Advertisement

خیبر پختونخوا میں تیل و گیس کے نئے ذخائر دریافت

پشاور:خیبر پختون خوا میں تیل و گیس کے نئے ذخائر دریافت ہوئے ہیں جن سے باقاعدہ پیداوار ستمبر سے شروع ہوگی۔

اطلاعات کے مطابق پاکستان پیٹرولیم لمیٹڈ (پی پی ایل )نے مکوری فائیو میں تیل و قدرتی گیس کے نئے ذخائر کی دریافت کا اعلان کیا ہے ۔ یہ اعلان اسٹاک ایکسچینج میں جاری کردہ نوٹس میں کیا گیا جس کے مطابق نئے ذخائر سے یومیہ 2800 بیرل تیل اور 19.26 مکعب فٹ قدرتی گیس حاصل کی جاسکے گی۔

قبل ازیں اسی سال تیل تلاش کرنے والے ایک نجی کمپنی کو بھی صوبہ خیبر پختون خوا کے ضلع کرک میں ڈرلنگ کے دوران تیل اور قدرتی گیس کے ذخائر ملے تھے۔
واضح رہے کہ اس وقت سب سے زیادہ گیس صوبہ سندھ سے حاصل کی جارہی ہے تاہم آل پاکستان سی این جی گیس ایسوسی ایشن کا موقف ہے کہ 18ویں ترمیم کے مطابق قدرتی وسائل پر صوبوں کا پچاس فیصد حصہ ہے لیکن سندھ سے نکلنے والی پچاس فیصد گیس سندھ کو نہیں دی جارہی۔

خیبر پختون خوا سے تیل و گیس کے ذخائر دریافت ہونے کے بعد قانونی طور پر وفاق کے پی کے کو بھی پچاس فیصد حصہ دینے کا پابند ہوگا تاہم عمل درآمد نہ ہوا تو کے پی کے کی حکومت یا تاجر اس کےخلاف آواز بلند کرسکتے ہیں۔

Comments

comments

یہ بھی پڑھیں