The news is by your side.

Advertisement

خیبر پختونخوا: محکمۂ تعلیم میں بڑے اعلانات

پشاور: محکمۂ تعلیم خیبر پختونخوا نے سرکاری اسکولوں میں سیکنڈ شفٹ شروع کرنے کا اعلان کر دیا، ہزاروں مزید اساتذہ بھی بھرتی کیے جا رہے ہیں۔

تفصیلات کے مطابق کے پی کے محکمۂ تعلیم نے سرکاری اسکولوں میں سیکنڈ شفٹ شروع کرنے اور مزید 65 ہزار اساتذہ بھرتی کرنے کا فیصلہ کر لیا ہے۔

سیکنڈ شفٹ میں ہر پرائمری اسکول میں مڈل کلاسز کا اجرا کیا جائے گا۔

ضیا اللہ بنگش مشیر برائے تعلیم

وزیر اعلیٰ کے پی کے مشیر برائے تعلیم ضیا اللہ بنگش نے کہا کہ صوبے میں 57 ہزار اساتذہ کی بھرتی کا عمل مکمل ہو چکا ہے، متعلقہ اضلاع کے امیدواروں کے آرڈر چند دنوں میں جاری ہوں گے۔

مشیر کا کہنا تھا کہ 5 ہزار مزید اساتذہ کی تعیناتی کے لیے اشتہار 2 ہفتے میں جاری کیے جائیں گے، 7 قبائلی اضلاع میں مزید 2500 اساتذہ کی بھرتی کے لیے بھی اشتہار جلد جاری ہوگا۔

ضیا اللہ بنگش نے کہا ’سرکاری اسکولوں میں سیکنڈ شفٹ شروع کر رہے ہیں، سیکنڈ شفٹ میں ہر پرائمری اسکول میں مڈل کلاسز کا اجرا کیا جائے گا۔‘

ان کا کہنا تھا کہ مڈل میں ہائی اور ہائی میں ہائیر سیکنڈری کلاسز کا اجرا کیا جائے گا، حکومت نے 57 ہزار ٹیچرز بھرتی کیے، مزید 65 ہزار بھرتی کریں گے۔


یہ بھی پڑھیں:  پشاور: سرکاری اسکولوں کو بحال کرنے کی ٹیم سرعام کی مہم جاری


خیال رہے کہ اے آر وائی نیوز کے پروگرام ’سرِ عام‘ کے تحت بھی کے پی کے میں سرکاری اسکولوں کی بحالی کا ایک بڑا مشن جاری ہے، جس کے سلسلے میں دو دن قبل ٹیم نے آرمی پبلک اسکول کے شہید بچوں کی یاد میں پشاور پہنچ کر ایک تقریب منعقد کی۔

اقرارالحسن کا کہنا تھا کہ پاکستان کے ایک ایک بچے کو تعلیم کی طرف لے کر آئیں گے، تمام اسکولوں میں ایک جیسی سہولتیں اور ایک جیسا ماحول فراہم کیا جائے گا، ہر سرکاری اسکول کو بہتر بنائیں گے اور قلم کی طاقت سے انقلاب لائیں گے۔

Comments

comments

یہ بھی پڑھیں