The news is by your side.

Advertisement

خیبر پختونخوا کے مختلف علاقوں میں آج عید الاضحیٰ منائی جارہی ہے

پشاور : ملک بھر میں عیدالاضحی کل روایتی جوش وخروش سے منائی جائے گی جبکہ خیبر پختونخوا میں2 عیدیں منانے کی روایت برقرار ہے، پشاور اور کئی علاقوں میں آج عیدمنائی جارہی ہے۔

پشاور سمیت صوبے پختونخوا کے بعض اضلاع اور قبائلی علاقوں میں آج عیدالاضحیٰ منائی جا رہی ہے، افغان بستیوں میں بھی عید ہیں جبکہ ڈی آئی خان، کرک، سوات، مانسہرہ، دیر، ایبٹ آباد، ہری پور، طورغر سمیت اکثراضلاع اور ملک کے باقی حصوں میں عیدالاضحیٰ کل منائی جائے گی۔

پختونخوا کے بعض اضلاع میں آج نماز عید کے اجتماعات ہوئے، اس موقع پر ملک کی بقا، سلامتی اور امن و امان کی بحالی کے لئے خصوصی دعائیں کی گئیں، نماز عید کے اجتماعات کے بعد سنت ابراہیمی کی پیروی میں اللہ کے حضور جانوروں کی قربانی کی جارہی ہے۔

دوسری جانب ملک بھر کی مساجد، عید گاہوں اورکھلی جگہوں پر نمازعید کے اجتماعات کل منعقد ہوں گے جن میں علمائے کرام عیدالاضحیٰ کی اہمیت اورفلسفہ قربانی پرروشنی ڈالیں گے، اس موقع پر ملکی سلامتی کیلئے دعائیں مانگی جائیں گی۔ نماز عید کے بعد سنت ابراہیمی پرعمل کرتے ہوئے مسلمان جانوروں کی قربانی کا فریضہ انجام دیں گے۔

Print Friendly, PDF & Email

Comments

comments

یہ بھی پڑھیں