پشاور: وزير اعلیٰ خیبر پختون خوا محمود خان نے پلاسٹک بيگز کے خلاف کريک ڈاؤن کا حکم جاری کر دیا.
تفصیلات کے مطابق خیبر پختون خوا کی حکومت نے پلاسٹک بیگز کے خلاف بڑی کارروائی کا فیصلہ کر لیا.
وزیر اعلیٰ کے پی کے محمود خان کا کہنا ہے کہ پلاسٹک بیگز ماحولیاتی تباہی کا سبب بن رہے ہيں، باؤڈیگریڈیبل مٹیریل کے بغیرپلاسٹک بيگز کے خلاف کارروائی ہوگی.
محمود خان نے کہا کہ پلاسٹک بیگز امپورٹ کرنے والوں پر بھاری جرمانے عائد ہوں گے، پلاسٹک بیگز سیاحتی مقامات کے قدرتی حسن کوخراب کررہے ہيں.
وزیر اعلیٰ کی جانب سے سیاحتی مقام مہوڈنڈ کالام میں نئی تعمیرات پر پابندی لگانے کے احکامات بھی جاری کیے گئے ہیں.
مزید پڑھیں: سمندر میں پلاسٹک کا فضلہ کم کرنے کےلیے 180 ممالک کا معاہدہ
خیال رہے کہ پلاسٹک بیگز کو ماحولیاتی آلودگی کا بڑا سبب قرار دیا جاتا ہے. ان بیگز کے ڈی کمپوز ہونے والے کئی صدیاں لگتی ہیں.اسی باعث دنیا بھر میں پلاسٹک بیگز کی حوصلہ شکنی کی جارہی ہے.
یاد رہے کہ 17 مئی 2019 کو وفاقی حکومت نے 14 اگست سے پلاسٹک بیگ کے استعمال پر مکمل پابندی عائد کرنے کا فیصلہ کیا تھا۔
یہ فیصلہ وزیرِ اعظم عمران خان کی زیر صدارت ماحولیاتی تبدیلیوں سے متعلق اعلیٰ سطح کے اجلاس میں ہوا.
