خیبرپختونخواہ حکومت کی جانب فلم مالک کی صوبے بھر میں نمائش کی پیشکش -
The news is by your side.

Advertisement

خیبرپختونخواہ حکومت کی جانب فلم مالک کی صوبے بھر میں نمائش کی پیشکش

پشاور: خیبرپختونخواہ حکومت کی جانب سے صوبے بھر کے سنیما گھروں میں فلم مالک کی نمائش کی جائے گی.

تفصیلات کے مطابق خیبرپختونخواہ حکومت نے مرکزی سینسر بورڈ کی پابندی کی جانب سے پابندی کو مسترد کرتے ہوئے فلم کو سنیما گھروں میں دکھانے کی پیشکش کی ہے۔

صوبائی وزیر اطلاعات مشتاق غنی کے مطابق ایک شخص نے کوشش کی ہے کہ بدعنوانی کو بے نقاب کرے، اس سے کچھ لوگوں کو تکلیف ہوئی ہے، اور یہی وجہ ہے کہ فلم پر پابندی لگائی گئی ہے، یہ فلم پورے ملک میں دکھائی جانی چاہیے۔

واضح رہے کہ گزشتہ روز وفاقی وزارت اطلاعات و نشریات کی جانب سے ایک نوٹیفکیشن جاری کیا گیا تھا جس میں فلم ‘مالک’ پر پابندی کا اعلان کیا گیا تھا تاہم نوٹیفکیشن میں پابندی کی کوئی وجہ نہیں بتائی گئی تھی.

دو روزقبل سندھ سنسر بورڈ نے بھی فلم ‘مالک’ پر پابندی کا نوٹیفکیشن جاری کیا تھا جسے چند گھنٹوں بعد ہی واپس لے لیا گیا تھا۔

مرکزی سینسر بورڈ کے چئیرمین مبشر خان کےمطابق فلم ‘مالک’ پر عوامی شکایات اور ردعمل کے باعث پابندی لگائی گئی۔

ان کا کہنا تھا کہ خیبر پختونخواہ اور کینٹ کے تمام سینما گھروں پر بھی مرکزی بورڈ کے قانون موشن فیکچر آرڈیننس (1979) کا اطلاق ہوتا ہےجس کے تحت فلم دکھانے والے سینما گھروں کے خلاف کارروائی کی جائے گی.

Comments

comments

یہ بھی پڑھیں