The news is by your side.

Advertisement

خیبرپختونخوا میں نوجوانوں کے لیے اپنا کاروبار شروع کرنے کا سنہرا موقع

پشاور: خیبرپختونخواہ کے وزیر برائے سیاحت ویوتھ افیئرز عاطف خان نے کہا ہے کہ صوبے میں نوجوانوں کو اپنا کاروبار شروع کرنے کے لیے 5 ارب روپے مختص کیے گئے ہیں۔

ان خیالات کا اظہار سینئر وزیر برائے سیاحت ویوتھ افیئرز عاطف خان نے نوجوانوں کو روزگار فراہم کرنے کے حوالے سے منعقدہ ایک اجلاس کی صدارت کرتے ہوئے کیا۔

انہوں نے کہا کہ تین ارب روپے 7 قبائلی اضلاع کے نوجوانوں کو جبکہ 2 ارب روپے صوبے کے دیگر ضلعوں میں نوجوانوں کو فراہم کیے جائیں گے۔

عاطف خان کا کہنا تھا کہ نوجوان ہمارا سرمایہ ہیں ان کو اپنے پاﺅں پر کھڑا کیا جائے گا، قبائلی اضلاع گزشتہ کئی دہائیوں سے پسماندہ رہ چکے ہیں لیکن اب انکی پسماندگی دور کی جائے گی۔

صوبائی وزیر نے کہا کہ قبائلی اضلاع کے نوجوانوں کو اپنا کاروبار شروع کرنے کے لیے سرمایہ فراہم کیا جائے گا اور اس مقصد کے لئے بجٹ میں خطیر رقم مختص کی گئی ہے۔

انہوں نے محکمہ یوتھ افئیرز کو ہدایت جاری کی کہ صوبے کے نوجوانوں کے لئے تمام سکیموں پر کام تیز کیا جائے۔

اجلاس میں سیکرٹری یوتھ افئیرز کامران رحمان، ڈائریکٹر یوتھ افئیرز بحزاد عادل سمیت دیگر حکام نے شرکت کی، اس موقع پر سینئر وزیر کو نوجوانوں کے لئے مختلف سکیموں پر بریفنگ دی گئی۔

Comments

comments

یہ بھی پڑھیں