site
stats
پاکستان

کے پی کے کا گورنمنٹ ہائیر سیکنڈری اسکول بیروٹ ایبٹ آباد کیپٹن عمیر شہید کے نام سے منسوب

ایبٹ آباد : کے پی کے حکومت نے گورنمنٹ ہائیر سیکنڈری اسکول بیروٹ ایبٹ آباد کا نام تبدیل کر کے کیپٹن عمیر شہید ہائیر سیکنڈری اسکول کے نام سے منسوب کر دیا۔
تفصیلات کے مطابق  کے پی کے حکومت نے گورنمنٹ ہائیر سیکنڈری سکول بیروٹ ایبٹ آباد کو کیپٹن عمیر شہید کے نام سے منسوب کردیا ، نام کی منسوبی کا نوٹفکیشن سیکرٹری تعلیم کے پی کے نے جاری کیا۔

پی ٹی آئی کے ممبر قومی اسمبلی ڈاکٹر اظہر جدون کی جانب سے وزیر اعلی پرویز خٹک کو اسکول کے نام کی تبدیلی کیلئے خط لکھا گیا تھا، جس کی روشنی میں ممبر قومی اسمبلی نے سیکر ٹری تعلیم سے ملاقات کی، ملاقات میں اسکول کا نام کپٹن عمیر شہید ہائیر سیکنڈری سکول رکھنے کا نوٹفیکیشن جاری کیا گیا۔

بیروٹ سے تعلق رکھنے والے کپٹن عمیر عباسی شہید نے گزشتہ سال ضرب عضب آپریشن میں جام شہادت نوش فرمائی تھی۔

شہید کیپٹن عمیر عباسی کا تعلق (چودہ فرنٹیئر فورس ) اور  121 لانگ کورس سے تھا۔


مزید پڑھیں : کیپٹن عمیر شہید کا آخری ویڈیو پیغام


دریں اثناء شہید کیپٹن عمیر عبداللہ کا آخری ویڈیو پیغام بھی منظر عام پر آ گیا ہے، جس میں انہوں نے کہا ہے کہ قوم حوصلہ رکھے، زیادہ علاقہ کلیئر کرا لیا ہے، جلد آپریشن کے آخری مرحلے میں بھی کامیاب ہونگے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top