تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عبایا لازمی قراد دینے کا معاملہ، نوٹی فکیشن واپس لینے کا حکم دے دیا ہے: شوکت یوسفزئی

اسلام آباد: خیبر پختون خوا کی حکومت نے سرکاری درس گاہوں‌ میں عبایا لازمی قرار دینے کا نوٹی فکیشن واپس لینے کا حکم جاری کر دیا.

تفصیلات کے مطابق کے پی کے کے  وزیر اطلاعات شوکت یوسفزئی نے اے آر  وائی نیوز کے پروگرام الیونتھ آور میں گفتگو کرتے ہوئے کہا کہ حکومت نےعبایالازمی قراردینےسےمتعلق کوئی فیصلہ نہیں کیا.

انھوں نے مزید کہا کہ ڈسٹرکٹ ایڈمنسٹریشن آفیسرنےایک نوٹی فکیشن جاری کیا تھا، ڈسٹرکٹ ایڈمنسٹریشن آفیسرکا موقف ہے کہ والدین کی درخواست پر یہ فیصلہ کیا.

انھوں نے واضح‌ کیا کہ نوٹی فکیشن سے حکومت کا کوئی تعلق نہیں، وزیراعلیٰ کے پی کی ہدایت پرنوٹی فکیشن واپس لینے کا حکم دے دیا گیا ہے.

وزیراطلاعات خیبرپختون خوا کے مطابق وزیر اعلیٰ کے فیصلے کے بعد متعلقہ اسکولوں کواعلامیہ واپس لینےکی ہدایت کردی ہے.

خیال رہے کہ آج سہ پہر یہ خبر آئی تھی کہ خیبر پختون خوا کے سرکاری اسکولوں میں طالبات کے لیے برقع، عبایا پہننا لازمی قرار دے دیا گیا ہے۔

نوٹی فکیشن میں موقف اختیار کیا گیا تھا کہ طالبات کو ہراساں ہونے سے بچانے کے لیے محکمہ تعلیم نے نیا اقدام اٹھا لیا، سرکاری اسکولوں میں طالبات کے لیے حجاب لازمی قرار دے دیا گیا۔

Comments

- Advertisement -