The news is by your side.

Advertisement

خیبرپختونخوا: انٹرنیٹ پر عائد ٹیکس ختم کرنے کا فیصلہ

پشاور: کے پی کے حکومت نے صوبے بھر میں انٹرنیٹ پر عائد ٹیکس ختم کرنے کا فیصلہ کرلیا، ٹیکس ختم کرنے کی سفارشات منظور کرلی گئیں۔

سرکاری ذرائع نے اے آر وائی نیوز کو بتایا کہ خیبر پختونخوا میں انٹرنیٹ پر19.5 فیصد ٹیکس عائد ہے اسے ختم کرنے کے حوالے سے سفارشات مرتب کرلی گئی ہیں۔

ذرائع کے مطابق سفارشات کی سمری دستخط کے لیے وزیراعلی خیبرپختونخوا کو ارسال کردی گئی ہیں ان کے دستخط کے بعد عائد کردہ ٹیکس ختم ہوجائے گا، ٹیکس ختم ہونے کے بعد صوبے بھر میں انٹرنیٹ کے صارفین کی تعداد میں اضافہ ہوگا۔

خیال رہے خیبرپختونخوا کی حکومت کے اس اقدام سے کے پی کے میں مقیم لاکھوں انٹرنیٹ صارفین کے لیے آسانیاں پیدا ہوں گی اور ان کی تعداد میں اضافہ بھی متوقع ہے۔ خیبرپختونخوا کی حکومت کا کہنا ہے کہ ’’اس عمل کا مقصد طلبا کو ریلیف فراہم کرنا ہے تاکہ طلبہ اپنی تعلیم میں اس سے بھی مدد حاصل کرسکیں۔

Print Friendly, PDF & Email

Comments

comments

یہ بھی پڑھیں