The news is by your side.

Advertisement

وزیراعظم نے خیبرپختونخوا میں رشکئی صنعتی زون کی منظوری دے دی

پشاور : وزیراعظم عمران خان نے خیبرپختونخوا میں رشکئی صنعتی زون کی منظوری دے دی، منصوبے سے دو لاکھ نوجوانوں کو بلا اور بالواسطہ روزگار میسر ہوگا۔

مشیر اطلاعات کے پی اجمل وزیر نے کہا ہے کہ خیبرپختونخوا کے لیے بڑی خوش خبری ہے کہ وزیراعظم عمران خان نے رشکئی صنعتی زون کی منظوری دے دی ہے، دو لاکھ نوجوانوں کو بلا اور بالواسطہ روزگار میسر ہوگا، چین کی کمپنیاں منصوبے میں سرمایہ کاری کریں گی۔

اجمل وزیر نے کہا کہ نو مارچ کو انڈر21گیمز کا افتتاح ہوگا جس میں25 ہزار کھلاڑی حصہ لیں گے،47وزیراعظم عمران خان انڈر21گیمز کی تقریبات میں شرکت کریں گے، مختلف گیمز ہوں گے جس میں 34اضلاع کے کھلاڑی حصہ لیں گے۔

انہوں نے کہا کہ وزیراعظم کو غریب اور متوسط طبقے کی مشکلات کا احساس ہے، وزیراعلیٰ کے پی محمود خان نے بہتر حکمت عملی سے آٹا بحران پر قابو پایا، ملک میں معاشی استحکام آرہا ہے جو اپوزیشن کو ہضم نہیں ہورہا۔

انہون نے کہا کہ اپوزیشن کو اپنا مستقبل تاریک نظر آرہا ہے، خیبر پختونخوا اسمبلی میں اپوزیشن ہٹ دھرمی کا مظاہرہ کررہی ہے، اپوزیشن کے پاس کوئی سیاسی ایجنڈا نہیں، کیمروں کی توجہ حاصلکرنے کے لیے اپوزیشن واویلا کررہی ہے۔

مشیر اطلاعات کے پی کا مزید کہنا تھا کہ رواں مالی سال میں بی آرٹی منصوبہ مکمل ہوگا، بی آر ٹی منصوبے کی تاریخ سرپرائز ہوگی۔

fb-share-icon0
Tweet 20

Comments

comments

یہ بھی پڑھیں