The news is by your side.

Advertisement

خیبرپختونخواہ اسمبلی کے اسپیکر نے مہنگائی سے نمٹنے کا انوکھا طریقہ بتا دیا، ویڈیو دیکھیں

پشاور: خیبرپختونخواہ کی اسمبلی کے اسپیکر مشتاق غنی نے مہنگائی سے نمٹنے کا انوکھا طریقہ بیان کردیا۔ ایک تقریب میں خطاب کرتے ہوئے اُن کا کہنا تھا کہ ہمیں مہنگائی کی موجودہ صورتحال میں حکمت اور دانش مندی سے کام لینا پڑے گا۔

اسپیکر اسمبلی کا کہنا تھا کہ اگر مہنگائی زیادہ ہے تو دو روٹی کے بجائے ایک روٹی پر کچھ عرصے کے لیے اکتفا کرنا پڑے گا، وہ وقت ضرور آئے گا کہ جب آپ انشاء اللہ دو روٹیوں سے بڑھ کر ڈھائی روٹی کھائیں گے۔

یاد رہے کہ یکم اپریل کو محکمہ شماریات کی جانب سے ایک رپورٹ جاری کی گئی تھی جس میں بتایا گیا تھا کہ پاکستان میں مہنگائی کی شرح پانچ سال کی بلند ترین سطح پر پہنچ گئی، مجموعی طور پر نو اعشاریہ41فی فیصد تک ریکارڈ کیا گیا۔

مزید پڑھیں: مہنگائی میں اضافے پرحکومت پریشان، روک تھام کیلئے مضبوط نظام بنانےکافیصلہ

محکمہ شماریات ڈویژن سے جاری رپورٹ کے مطابق مارچ2019 میں مہنگائی کی شرح 9.4فیصد تک پہنچ گئی، جبکہ جولائی 2018 سےمارچ 2019 تک مہنگائی کی شرح میں 6.7 فیصد اضافہ ریکارڈ کیا گیا۔

مہنگائی میں اضافے پر حکومت پریشان ہیں اور فراط زر کی شرح میں اضافے کو روکنے کیلئے اقدامات متوقع ہے۔ قیمتوں میں اضافےکی روک تھام کیلئے قومی پرائس مانیٹرنگ کمیٹی اہم اشیائےخوردونوش کی دستیابی یقینی بنانےکے لیے مضبوط نظام بنانےکافیصلہ کیا، قیمتیں بڑھنے کاباعث بنے والے کاریٹلز کے خلاف بھی کارروائی کی جائےگی۔

حکومت نے فیصلہ کیا کہ مہنگائی کےجانچنے کے قوانین میں ترامیم ، اشیا خوردو نوش کی قیمتوں میں اضافے کی وجہ بننے والے گٹھ جوڑ کےخلاف قوانین میں مزید سختی کی جائےگی۔

یہ بھی پڑھیں: پانچ سال میں مہنگائی کی شرح کہاں تک پہنچی؟ اعداد و شمارجاری

یہ بھی فیصلہ کیا گیا کہ نیشنل پرائس مانیٹرنگ کمیٹی کی کارکردگی کا جائزہ لیا جائےگا اور ہر ماہ اجلاس بھی طلب کیا جائے گا، جس میں طلب و رسد کا جائزہ لیاجائےگا اور اشیاء کی قلت کی بروقت نشاندہی کی جائے تاکہ قیمتوں کو روکا جاسکے۔

Comments

comments

یہ بھی پڑھیں