تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

خیبرپختونخوا میں "شہباز اسپیڈ” سے سستے آٹے کی فراہمی

اسلام آباد : خیبرپختو نخوا میں شہباز اسپیڈ سے سستے آٹے کی فراہمی شروع کردی گئی، عوام کو 40روپے فی کلو آٹا فراہم کیا جارہا ہے۔

اس حوالے سے وفاقی وزیر اطلاعات مریم اورنگزیب نے کہا ہے کہ وزیراعظم شہباز شریف نے خیبرپختونخوا کےعوام سے وعدہ پورا کر دکھایا۔

مریم اورنگزیب نے کہا کہ وعدے کی تکمیل کے لئے 100موبائل اسٹورز نے کام شروع کردیا ہے، سستے آٹے کے لئے کے پی کوایبٹ آباد، پشاور زونز میں تقسیم کیا گیا ہے۔

انہوں نے بتایا کہ سستے آٹے کی فراہمی کا سلسلہ پورے خیبرپختونخوا میں پھیلایا جائے گا، ایبٹ آباد، پشاور زون میں 50ہزار سے زیادہ آٹے کے تھیلے فروخت کیے گئے ہیں۔

وزیراطلاعات کا کہنا تھا کہ ایبٹ آباد، پشاور زونز میں موبائل اسٹورز سے سستا آٹا فراہم کیا جارہا ہے، ایبٹ آباد میں دو روز کے دوران 22ہزار70سستے آٹے کے تھیلے فروخت کیے گئے۔

مریم اورنگزیب کے مطابق پشاور زون میں دو روز میں 23ہزار 400سے زائد سستے آٹے کے تھیلے فروخت ہوئے،13 جون تک موبائل اسٹورز کی تعدادبڑھا کر 200کر دی جائے گی۔

انہوں نے بتایا کہ 9جون تک آٹے کے عارضی سیل پوائنٹس بھی کام شروع کر دیں گے،17جون تک عارضی سیل پوائنٹس کی تعداد500کر دی جائے گی۔

وزیراطلاعات کا مزید کہنا تھا کہ سستے آٹے کی فروخت کے مقامات کی تعداد 2ہزار سے زائد ہوگی،8سال سے ان کے صوبے میں رکے ترقی کے عمل کو آگے بڑھائیں گے۔

Comments

- Advertisement -