کرک: مسافر کوچ کو حادثہ، خوفناک آتشزدگی سے 15 افراد جھلس کر جاں بحق -
The news is by your side.

Advertisement

کرک: مسافر کوچ کو حادثہ، خوفناک آتشزدگی سے 15 افراد جھلس کر جاں بحق

پشاور: خیبرپختونخواہ کے علاقے ضلع کرک میں انڈس ہائی وے پر کار اور مسافر کوچ میں تصادم کے بعد بس میں خوفناک آگ بھڑک اٹھی جس کے نتیجے میں 15 افراد جھلس کر جاں بحق ہوگئے۔

اے آر وائی نیوز کے مطابق ڈیرہ اسماعیل خان سے پشاور جانے والی مسافر کو چ کو ضلع کر ک کے انڈس ہائی وے پر حادثہ پیش آیا، مسافر بس اور کار کی ٹکر کے نتیجے میں خوفناک آگ بڑھک اٹھی اور مسافروں کو موقع نہ مل سکا۔

اطلاعات کے مطابق آتشزدگی کے باعث خواتین سمیت 15 مسافر جھلس کر جاں بحق ہوئے جبکہ 2 مسافر ہی زندہ بچ سکے جنہیں ریسکیو کر کے ڈسٹرکٹ ہیڈکوارٹرز استپال (ڈی ایچ کیو) کرک منتقل کردیا گیا۔

مزید پڑھیں: مسافر کوچ اور ٹرک میں خوفناک تصادم، 26 افراد جھلس کر جاں بحق

ریسکیو حکام کے مطابق حادثہ مخالف سمت سے آنے والی کار کی وجہ سے پیش آیا، سپنہ بانڈہ کے مقام پر تیز رفتار کار بس سے ٹکرائی جس کے بعد اُس میں خوفناک آتشزدگی ہوئی۔ اسپتال ذرائع کے مطابق دونوں زخمیوں کی حالت تشویشناک ہے جنہیں انتہائی نگہداشت وارڈ میں رکھا گیا ہے۔

دوسری جانب خیبرپختونخواہ کے علاقے ضلع لکی مروت کے انڈس ہائی وے پر باست خیل پھاٹک کے قریب دھند کے باعث گزشتہ رات دو مسافر بسیں آپس میں ٹکرا گئیں تھیں جس کے نتیجے میں ایک مسافر جاں بحق جبکہ 10 زخمی ہوئے تھے۔

یاد رہے کہ بلوچستان کے ضلع لسبیلہ کی تحصیل بیلہ کراس کے قریب 21 جنوری کو اندوہناک ٹریفک حادثہ اُس وقت پیش آیا تھا جب مسافر بس اور ٹرک کے مابین تصادم ہوگیا تھا۔

یہ بھی پڑھیں: خیرپور: مہران ہائی وے پر ٹریفک حادثہ‘ 3 افراد جاں بحق

مسافر کوچ اور ٹرک میں تصادم کے نتیجے میں 26  افراد جھلس کر جاں بحق جبکہ متعدد زخمی ہوئے تھے جنہیں تشویشناک حالت میں اسپتال منتقل کیا گیا تھا۔ حادثے کے بعد کوچ میں خوفناک آگ لگ گئی تھی۔

Comments

comments

یہ بھی پڑھیں