ممبئی: بھارتی اداکار و فلمی ناقد کمال راشد خان (کے آر کے) نے بھارتی ٹیم کے ٹی ٹوئنٹی ورلڈکپ جیتنے پر طنز کیا ہے۔
کے آر کے نے ایکس پر ٹوئٹ کی جس میں انہوں نے بھارتی کرکٹ بورڈ (بی سی سی آئی) کا ہیش ٹیگ استعمال کیا اور ٹیم کو ٹی ٹوئنٹی ورلڈکپ کی جیت پر مبارکباد پیش کی۔
ساتھ ہی کمال راشد خان نے کہا ‘دونوں سیمی فائنل اور فائنل وقت کا ضیاع تھے کیونکہ دونوں ہی میچز کی پہلی اننگ نے میچ کے نتیجے کا فیصلہ کر دیا تھا’۔
Congratulations to team #BCCI for winning #t20worldcup2026!
Both semifinals and final match are waste of time. Each match was decided by first inning only.— KRK (@kamaalrkhan) March 8, 2026
واضح رہے کہ فائنل میں بھارت نے نیوزی لینڈ کو 96 رنز سے شکست دے کر ٹائٹل اپنے نام کیا، یہ میچ نریندر مودی اسٹیڈیم احمد آباد میں کھیلا گیا تھا۔
ٹی ٹوئنٹی ورلڈ میں بھارت کی جیت پر شاہد آفریدی کا ردِعمل
جب کہ سیمی فائنل بھارت اور انگلینڈ کے درمیان ہوا تھا جس میں انگلینڈ نے ٹاس جیت کر فیلڈنگ کا فیصلہ کیا، بھارتی ٹیم نے پہلے بیٹنگ کرتے ہوئے 253 رنز اسکور کیے، جواب میں انگلینڈ کی ٹیم 246 رنز بناسکی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں