اسلام آباد: وزیر خارجہ بلاول بھٹو زرداری نے سعودی ہم منصب فیصل بن فرحان سے ٹیلی فونک رابطہ کیا ہے جس میں دونوں رہنما کے درمیان مختلف امور پر گفتگو ہوئی۔
وزرائے خارجہ نے دو طرفہ برادرانہ تعلقات کے فروغ پر تبادلہ خیال کیا۔ ٹیلی فونک رابطے میں سعودی وزیر خارجہ نے پاکستان میں ایک ارب ڈالر کی سرمایہ کاری کے حوالے سے یقین دہانی کرائی۔
وزیر خارجہ بلاول بھٹو نے سعودی ہم منصب سے اظہارِ تشکر کیا۔ انہوں نے پاکستان میں غیر معمولی سیلاب سے ہوئی تباہ کاریوں سے بھی آگاہ کیا۔
مزید پڑھیں: سعودی عرب سے 8ارب ڈالر کی سرمایہ کاری پر پیشرفت نہ ہونے کا انکشاف
بلاول بھٹو نے بدترین سیلابی صورتِ حال میں یکجہتی پر سعودی عرب سے اظہارِ تشکر کیا اور متاثرین کی مدد کے لیے اقدامات کی یقین دہانی کو بھی سراہا۔
Pleased to have conversation with HH FM @FaisalbinFarhan. Recalling fraternal bilat. ties, welcomed KSA commitment of $1 billion invest. in Pakistan. Briefed my counterpart on damages caused by unprecedented floods, highly value solidarity expressed & KSAs all possible assistance
— BilawalBhuttoZardari (@BBhuttoZardari) August 25, 2022