کراچی: سعودی عرب نے نئی ویزا پالیسی کا اعلان کردیا جس کا اطلاق یکم محرم الحرام (2اکتوبر 2016) سے نافذ العمل ہوگا۔
تفصیلات کے مطابق سعودی حکومت کی جانب سے نئی ویزہ پالیسی کے نوٹی فیکیشن کا اجراء کردیا گیا ہے جس کا اطلاق یکم محرم سے ہوگا،نوٹیفیکیشن میں نئی ویزہ پالیسی کے تحت مقرر کردہ فیسوں کی تفصیلات درج ہیں۔
سعودی حکومت کی جانب سے جاری کی گئی نئی ویزہ پالیسی کے تحت عمرے کی ادائیگی کے لئے پہلی دفعہ ایک سال کے اندرکوئی اضافی فیس وصول نہیں کی جائے گی جب کہ دوسری دفعہ ادائیگی پر 2ہزار ریال فیس ہوگی۔
نئی ویزہ پالیسی کے تحت وزٹ ویزہ کی فیسوں میں دروبدل کرتے ہوئے آئندہ سال یکم محرم سے دو سال ویزے کی مدت کیلئے آٹھ ہزار ریال وصول ،ایک سال کے معیاد کیلئے پانچ ہزار ریال ، چھ مہینے معیاد کی ویزا فیس تین ہزار ریال اور تین مہینے کے وزٹ ویزے کی فیس پانچ سو ریال ہوگی۔
سعودی حکومت کی جانب سے جاری کیے گئے نوٹی فکیشن کے مطابق ٹرانزٹ ویزے کی فیس میں تین سو ریال اضافہ کیا گیا ہے جب کہ سمندر کے ذریعے آنے والوں سے پچاس ریال اضافی وصول کیے جائیں گے اور سنگل انٹری دو ماہ کی مدت کے ویزے پر دو سو ریال وصول کیے جائیں گے ۔
