The news is by your side.

Advertisement

خاتون ٹیچرکوہراساں کرنے پرکراچی یونیورسٹی کے پروفیسرگرفتار

کراچی : جامعہ کراچی کے شعبہ نفسیات کے اسسٹنٹ پروفیسر کو خاتون لیکچرار کو انٹر نیٹ پر ہراساں کرنے پر معطل کر دیا گیا ہے،ایف آئی اے نے مذکورہ پروفیسر کو حراست میں لے لیا ہے۔

تفصیلات کے مطابق شعبہ نفسیات کے پروفیسرفرحان کامرانی پرایک نجی یونیورسٹی کی خاتون پروفیسر کو انٹرنیٹ پر ہراساں کرنے،سوشل میڈیا پر خاتون پروفیسرکے صفحے پربےہودہ تبصرے کرنے اور خاتون پروفیسر کی غیراخلاقی تصاویر شیئر کرنے کا الزام ہے۔

اے آر وائی نیوز کے رپورٹر کے مطابق پروفیسر فرحان کامرانی کو ان سنگین جرائم میں ملوث پائےجانے کے بعد کراچی یونیورسٹی کی انتظامیہ کی جانب سے معطل کرنے کا فیصلہ کیا گیا ہے اور اس حوالے سے اُن کی معطلی کا نوٹیفیکیشن بھی جاری کردیا گیا ہے۔

ku-1-post

ذرائع کے مطابق خاتون پروفیسر کو سوشل میڈیا پر ہراساں کرنے کی شکایت پر ایف آئی اے نے سائبر کرائم ایکٹ کے تحت پروفیسر فرحان کامرانی کوحراست میں لے کر نامعلوم مقام پر منتقل کردیا گیا ہے جہاں تفتیش کا عمل جا ری ہے۔

پروفیسر فرحان کامرانی جامعہ کراچی کے شعبہ نفسیات میں بہ طور پروفیسر فرائض انجام دے رہے تھے قبل ازیں وہ محمکہ پولیس میں بہ طور ماہر نفسیات مقرر تھے۔

 

Comments

comments

یہ بھی پڑھیں