The news is by your side.

Advertisement

اداکارہ کبریٰ خان کی انسٹاگرام ویڈیو وائرل

کراچی: پاکستانی اداکارہ کبریٰ خان نے لندن میں موجود اپنے گھر میں بچپن کی یاد تازہ کرتے ہوئے جھولا جھولنے کی ویڈیو شیئر کی جو سوشل میڈیا پر وائرل ہوگئی۔

تفصیلات کے مطابق شوبز انڈسٹری سے جڑی شخصیات مداحوں سے جڑے رہنے کے لیے مختلف تصاویر اوراپنی روزمرہ کی سرگرمیوں کو شیئر کرتی ہیں جس کا مقصد مداحوں کو اپنی سرگرمیوں کے حوالے سے آگاہ کرنا ہوتا ہے۔

اداکارہ کبریٰ خان نے سماجی رابطے کی ویب سائٹ ٹویٹر پر ویڈیو شیئر کرتے ہوئے لکھا کہ ’میں ان جھولوں پر جھولتے ہوئے بڑی ہوئی، موسیقی سنتے اور نہ جانے کون سے خواب دیکھتے ہوئے یہاں گھنٹوں گزارے، اتنے سالوں میں کچھ بھی زیادہ تبدیل نہیں ہوا۔‘

اداکارہ نے بتایا کہ انہیں یہ دیکھ کر خوشی ہوئی کہ جس گھر میں انہوں نے بچپن گزارا، وہ بہت زیادہ تبدیل نہیں ہوا ہے، کبریٰ خان نے ہیش ٹیگ استعمال کرتے ہوئے لکھا کہ ’کیا ہم سب اندر سے بچے نہیں ہیں۔‘

کبریٰ خان کی ویڈیو کو مداحوں کی جانب سے خوب سراہا جارہا ہے۔

واضح رہے کہ کبریٰ خان نے کامیاب مزاحیہ فلم ’جوانی پھر نہیں آنی ٹو‘ میں اداکاری کے جوہر دکھائے جبکہ وہ متعدد پاکستانی ڈراموں میں بھی کام کرچکی ہیں۔

اداکارہ کبریٰ خان ہدایت کار ندیم بیگ کی آنے والی مزاحیہ فلم میں جلوہ گر ہوں گی۔

Comments

یہ بھی پڑھیں